Բավ է պառակտվել
13-06-2022 13:26

Հայաստանի Քաղաքացիական ավիացիայի կոմիտեի ղեկավարը հրաժարական է տվել

Հայաստանի Քաղաքացիական ավիացիայի կոմիտեի ղեկավար Տաթևիկ Ռևազյանը հրաժարական է տվել պաշտոնից, որը զբաղեցնում էր 4 տարի։

Ֆեյսբուքյան իր էջում նա գրել է, որ հպարտ է իր թիմի հասած արդյունքներով, հատկապես՝ հայաստանյան երկնքի անվտանգության ապահովանն ուղղված քայլերով: Նրա խոսքով՝ Քաղաքացիական ավիացիայի կոմիտեում այս ընթացքում արվել են լուրջ բարեփոխումներ, արդիականացում, և շուտով ականատեսը կլինենք լավ լուրերի:

Նա բարձր է գնահատել Հայաստանում հուսալի և մրցունակ ազգային ավիափոխադրողի՝ Ֆլայ Առնայի գործարկման փաստը։ «Էյր Արաբիա Գրուպի կողմից իրականացված ներդրումը մեզ բերեց աշխարհի ամենաանվտանգ եւ ամենամրցունակ ավիաընկերություններից մեկի knowhow-ն»,- նշել է Ռևազյանը։

Ավելի վաղ՝ հունիսի 10-ին, Երեւան էր ժամանել Հայաստանի ազգային ավիափոխադրող Ֆլայ Առնայի առաջին ինքնաթիռը։ Դրա հիմնադիրներն են Հայաստանի պետական հետաքրքրությունների ֆոնդը (ԱՆԻՖ) և Էյր Արաբիա Գրուպը։ Ֆլայ Առնայի առաջին չվերթը կիրականացվի 2022 թվականի հուլիսի 3-ին դեպի Հուրգադայի միջազգային օդանավակայան։

Նոր ազգային ավիափոխադրողի ստեղծման ծրագրի շրջանակներում Հայաստանի կառավարությունը 2021 թվականի հոկտեմբերին որոշեց հատկացնել ավելի քան 4,73 միլիարդ դրամ (գրեթե 10 միլիոն դոլար): Եվս 10 միլիոն դոլարի ներդրում է կատարում «Էյր Արաբիան» (ի դեմս իր դուստր ձեռնարկության):

Ֆլայ Առնան կգործի որպես էժան ուղևորատար ավիաընկերություն, բազավորման օդանավակայանը՝ Երևանի «Զվարթնոց»-ը: 2022 թվականի հունիսի սկզբին Ֆլայ Առնան ստացավ օդանավ շահագործողի վկայական (AOC) և Կանոնավոր առեւտրային օդային փոխադրումների իրականացման հավաստագիր (AOL)։

Հայկական ավիաշուկա մուտք կգործի նոր ավիաընկերություն
Օդային սահման փակելը խնդիրը ավելի կլրջացնի․Տաթևիկ Ռևազյան
Հայաստանի նախկին դատախազ Աղվան Հովսեփյանը գրավի դիմաց ազատ կարձակվի
Իրաքից տաք հոսանքներ են ներթափանցում Հայաստան։ Երևանում սպասվում է մինչև 42 աստիճան շոգ
Շոգը վերադառնում է․ Հայաստանում․ սպասվում է մոտ 40 աստիճան