Բա՛վ է պառակտվել
28-12-2019 19:09

2020թ․հունվարից բոլոր կարգի կենսաթոշակները կբարձրանան միջինը 10 տոկոսով

2020թ հունվարի 1-ից Հայաստանում բոլոր կարգի կենսաթոշակները կբարձրանան միջինը 10 տոկոսով։ Այս մասին հայտնել է Նիկոլ Փաշինյանը կառավարության նիստին։

Աշխատանքի և սոցիալական հարցերով նախարար Զարուհի Բաթոյանը նշել է, որ կառավարության ծրագրի համաձայն, պետական կենսաթոշակների չափը պարբերաբար կբարձրանա, ապահովելով միջին կենսաթոշակների պրոգրեսիվ աճը գնաճի նկատմամբ։ Պետական կենսաթոշակի չափերի պարբերաբար ավելացումը ՀՀ 2020-2022 թվականների միջնաժամկետ ծախսային ծրագրով սահմանված է սոցիալական ոլորտի ծախսային գերակայություն:

”Մենք արդեն հայտարարել ենք, որ 2020 թվականից միջինում 10 տոկոսով բարձրացնելու ենք կենսաթոշակները: Ուստի, այսօրվա նախագծով առաջարկում ենք հետևյալ փոփոխությունները: Հիմնական կենսաթոշակի չափը, այդ թվում՝ զինվորական կենսաթոշակի չափը հաշվարկելու համար 16 հազար դրամի փոխարեն սահմանել 18 հազար դրամ, առաջին 10 տարվա աշխատանքային ստաժի մեկ տարվա արժեքը 800 դրամի փոխարեն սահմանել 950 դրամ: Զինվորական ծառայության մեկ տարվա արժեքը 1500 դրամի փոխարեն սահմանել 1600 դրամ, պարտադիր զինվորական ծառայության շարքային կազմի զինծառայողի հաշմանդամության զինվորական կենսաթոշակի չափերը առաջին խմբի դեպքում 36 հազար դրամի փոխարեն սահմանել 40 հազար դրամ, երկրորդ խմբի դեպքում՝ 26 հազար դրամի փոխարեն՝ 30 հազար դրամ, և երրորդ խմբի դեպքում 25 500 դրամի փոխարեն սահմանել 27 հազար դրամ:
Պարտադիր ժամկետային զինվորական ծառայության շարքային կազմի մահացած կամ զոհված զինծառայողի ընտանիքի անդամի կերակրողին կորցնելու դեպքում զինվորական թոշակի չափը 25 500 դրամի փոխարեն սահմանվում է 27 հազար դրամ: Իսկ երկկողմանի ծնողազուրկ երեխայի դեպքում թոշակի չափը սահմանվում է 90 հազար դրամ՝ այսօրվա 80 հազար դրամի փոխարեն: Նվազագույն կենսաթոշակի չափն այսօրվա 25 500 դրամի փոխարեն սահմանվելու է 27 հազար դրամ:
“Ծերության, հաշմանդամության, կերակրողին կորցնելու դեպքում նպաստների և թաղման նպաստի չափերը սահմանելու մասին որոշման մեջ կատարվող փոփոխություններով առաջարկվում է ծերության, հաշմանդամության, կերակրողին կորցնելու դեպքում նպաստների և թաղման նպաստի չափերը 25 500 դրամի փոխարեն սահմանել 26 500 դրամ, իսկ երկկողմանի ծնողազուրկ երեխաների դեպքում՝ 80 հազար դրամի փոխարեն սահմանել 90 հազար դրամ”,- ասել է Բաթոյանը:
Ֆինանսների նախարար Ատոմ Ջանջուղազյանն ասել է, որ բացի այն, որ հաջորդ տարվա պետական բյուջեով թոշակների ու նպաստների բարձրացման համար հատկացումներ են եղել, ևս 3-4 մլն դրամի լրացուցիչ կարիք է առաջանում:
Զարուհի Բաթոյանը պարզաբանել է, որ լրացուցիչ ֆինանսավորման կարիք է առաջացել նաև այն պատճառով, որ 2019 թվականի հունվար-դեկտեմբեր ժամանակահատվածում նպաստառուների թիվն աճել է մոտ 5 900-ով:

2020 թվականի հունվարի 1-ից թոշակները կբարձրանան 10 տոկոսով.վարչապետ
Արդյո՞ք 2020 թ–ի բյուջեն արդարացնելու է սպասումները՝ քննարկում ԱԺ –ում
Հոսանքի գինը հաջորդ տարի կբարձրանա՞
Հայաստանը բարձրացրել է միջուկային անվտանգության մակարդակը
Առաջիկա խաղերում Հայաստանը բոլորին կապացուցի, որ կարող է անցնել Եվրո -2020. Մխիթարյան