Բավ է պառակտվել
10-10-2019 22:00

Հունվարի 1-ից կավելանա զոհված զինծառայողների ընտանիքներին տրվող աջակցության չափը

Զինծառայողների ապահովագրության հիմնադրամը պետության տրամադրած գումարից բացի հավելյալ գումար կտրամադրի նաեւ 1998 թվականի հունվարի 1-ը ներառյալ եւ դրանից հետո հայրենիքի պաշտպանության ժամանակ զոհված զինծառայողների ընտանիքների անդամներին, 1-ին կամ 2-րդ խմբի հաշմանդամություն ստացած զինծառայողներին: Այս մասին ՀՀ կառավարութան այսօրվա նիստում հայտարարեց ՀՀ պաշտպանության նախարար Դավիթ Տոնոյանը:
Նա նշեց, որ, օրինակ, եթե զոհված սպայի ընտանիքը պետությունից արդեն իսկ ստանում է 60 հազար դրամ, ապա հիմնադրամից ամսվա մեջ կստանա նաև 240 հազար դրամ:
«Կախված կոչումներից ու ընտանիքի անդամներից՝ այդ թվերը փոփոխության են ենթարկվում»,- պարզաբանեց նախարար Տոնոյանը:
Փաշինյանը նկատեց,որ երբ սկսեցին այս հետ գնալու պրոցեսը, ամեն որոշմամբ ինչ-որ կետի կանգնում են: Եվ ցավալիորեն ու հասկանալիորեն մեր մի շարք հայրենակիցներ այդ սահմանից դուրս են մնում, բայց համոզված է՝ ժամանակավոր:
«Իմ կոչ, խնդրանքն է ըմբռնումով մոտենալ և արձանագրել, որ 1,5 տարվա ընթացքում մենք այս պրոցեսը 19 տարով արդեն հետ ենք տարել: Սա բավական բարդ աշխատանքային պրոցես է, պետք է հաշվարկվի, որ այդ որոշումները պատշաճ կարգով իրականություն դառնան: Հաշվարկները շարունակվում են, ինչպես և հայտարարել ենք, մեր գերնպատակն այն է, որ այս պրոցեսը հետ տանենք մինչև ՀՀ անկախության մեկնարկը»,- ասաց վարչապետը:

Հիշեցնենք, հոկտեմբերի 9-ին որոշում է կայացվել, որ Զինծառայողների ապահովագրության հիմնադրամը 2020 թվականի հունվարի 1-ից կսկսի աջակցություն ցուցաբերել նաեւ 1998 թվականի հունվարի 1-ը ներառյալ եւ դրանից հետո հայրենիքի պաշտպանության ժամանակ զոհված զինծառայողների ընտանիքների անդամներին, 1-ին կամ 2-րդ խմբի հաշմանդամություն ստացած զինծառայողներին: Նախորդ տարվա դրությամբ հիմնադրամը փոխհատուցում էր միայն 2017 թվականի հունվարի 1-ը ներառյալ եւ դրանից հետո տեղի ունեցած դեպքերը:

 

Արմինե Գևորգյան

3 զինծառայողի մոտ ախտորոշվել է կորոնավիրուս. Դավիթ Տոնոյան
Ես հրաժարական չեմ տալիս,ԱԱԾ նախկին տնօրենն էլ իմ ընկերն է․Դավիթ Տոնոյան
«Հաշվեք՝ ապրիլյան պլյուս» ․նախարարը զորավարժությունների մասին (Լուսանկարներ)
Դավիթ Տոնոյան․ «Այնպես չե, որ մենք չենք սպասում հրամանի» (Տեսանյութ)
Պայմանագրային զինծառայող Գեղամ Խաչատրյանը զոհվել է