Բա՛վ է պառակտվել
03-09-2019 14:41

Սահմանամերձ Արաքս դպրոցի լուսավոր կետը մարզադահլիճն է (Լուսանկարներ)

   

Արմավիրի մարզի Վաղարշապատի տարածաշրջանի սահմանամերձ   Արաքս գյուղի դպրոցում  գիտելիքի օրը նշանավորվեց  <<Արմաթ>>  ինժեներական լաբորատորիայի  և հիմնանորոգված մարզադահլիճի բացմամբ: Դպրոց մուտք գործելիս մտածում ես այնպես քայլել, որ հանկարծ  որևէ բան չկոտրվի,  կամ  ճաքած առաստաղից ինչ- որ  իր չընկնի գետնին:

Դպրոցը 51 տարեկան է   ու կառուցման օրվանից հետո այն   մեկ անգամ է վերանորոգվել: Դպրոցի  տնօրեն Շուշան  Մարտիրոսյանն ասում է, որ տարիներ առաջ պետբյուջեի միջոցներով մասնակի վերանորոգումներ են արվել՝ առաջին փուլով փոխվել տանիքը, պատուհաններն ու դռները, 2-րդ փուլով՝ ոչինչ չի արվել, փողը տեղ չէր հասել:

<<Երկրորդ փուլը փոշիացավ ճանապարհներին, 200 մլն դրամը, որ նախատեսված էր, որ պիտի գար՝ Արաքս չեկավ: Մենք սպասելով մնացինք արդեն 6-7 տարի»,-ասում  է Մարտիրոսյանը:  Բացված  մարզադահլիճը  դպրոցի միակ լուսավոր կետն է:

Տնօրենը պատմեց,որ  բարերար Յաշա Խորշիկյանը  ում   շնորհիվ վերանորգվել է դպրոցի մարզադահլիճը, ծնունդով Արաքս գյուղից է,ով արդեն երկար ժամանակ ապրում է ՌԴ –ում: Այս տարի վերադառնալով հայերենի գյուղ ցանկացել է  բարեգործություն անել:

<<Երբ երկավ դպրոց ու մտավ առաջինը մարզադահլիճ,ասաց որ հենց այսօրվանից պետք է սկսել  շինարարությունը,  մեկ օր անգամ ուշացնել պետք  չի: Երեխաները պետք է օր առաջ նոր մարզադահլիճում մարզվեն>>,-ասաց տնօրենը:

Մեզ հետ զրույցում բարերարը  պատմեց ,որ  ինքը այս դպրոցի աշակերտ  է  եղել ու միշտ լսել է,որ  դպրոցը գտնվում է անմխիթար վիճակում,սակայն  երբ առաջին անգամ տեսել է մարզադահլիճը,  անմիջապես որոշել է,  որ  հենց այստեղից էլ պետք է սկսել:

Յաշա Խորշիկյանը նպատակահարմար չգտավ հրապարակել  ծախսված գումարի չափը,այլ ասաց,որ կարևորը որքան գումար էլ   ծախսվել է՝  ծառայել է ճիշտ նպատակակետին:

<<Ամենակարևորը գործը արվել է շատ սրտացավորեն,ամեն մարդ ինչպես իր տունը կվերանորգվի այդպես էլ վերանորոգվել է դպրոցի մարզադահլիճը: Երեք ամիս շարունակ ամեն օր բանվորների հետ միասին մասնակցել եմ   շինարարական  աշխատանքներին: Անկեղծ ասած ես այլ ծրագիր ունեի,բայց խիղճս ինձ կտանջեր,  որ երեխաները նման պայմաններում անցկացնեին իրենց դասերը:>>,-ասում է   Խորշիկյանը,ում անունով է անվանակոչվել է մարզադպրոցը:

Սակայն սա դպրոցի միակ նվերը չէր. Գիտելիքի օրվա կապակցությամբ  դպրոցում բացվեց Արմաթ ինժեներական լաբորատորիան:  Արմաթում դասընթացները կկազմակերպվեն սկզբում մեկ խմբում՝ ընդգրկելով մինչև  20 աշակերտ, ապա կավելանա  խմբերի թիվը: Վյաչեսլավ Իսրայելյանը Արմաթի խմբավարն է՝  հարևան Ռանչպար գյուղից: Նրա աշակերտներն այս տարի Դիլիջանի  Արմաթ տեխնոճամբարում  հիմնական  1-ին մրցանակի են արժանացել:  Արմավիրի մարզպետ Համբարձում  Մաթևոսյանը, ով  հյուրընկալվել էր դպրոցում նշեց,որ  յուրաքանչյուր տարվա սեպտեմբերի մեկը՝  գիտելիքներով հարստանալու, իրական արժեքներ ճանաչելու և նոր նպատակներ կյանքի կոչելու սկիզբն է:

 Արմավիրի մարզպետը նշեց նաև,որ այս տարի մի շարք դպրոցներ ընդգրկված են վերանորոգման, մի քանիսն էլ կառուցման ծրագրերում:

 

 <<Ութ դպրոցում լոկալ ջեռուցման համակարգ ենք անցկացրել, մի շարք դպրոցներում՝ վերանորոգման աշխատանքներ: Կային դպրոցներ, որ պատուհաններ չունեին, պատուհաններ ենք տեղադրել: Ունենք հաստատված 5 նոր դպրոցի կառուցման ծրագիր>>:

Մարզպետի տեղեկացմամբ՝ կառուցվելու են 4-րդ կարգի վթարային դպրոցների շենքերը, իսկ Արաքսի դպրոցը կընդգրկվի  հրատապ լուծում պահանջող շենքերի վերանորոգման ծրագրում, որոնք կիրականացվեն հաջորդականությամբ, մի մասը պետական բյուջեի միջոցներով, մյուսները համաֆինանսավորմամբ և բարերարների աջակցությամբ: Այս ուսումնական տարում 10 տոկոսով ավելացել է ուսուցիչների աշխատավարձը, իսկ դպրոցների տնտեսած միջոցների հաշվին՝ նաև նվազագույն դրույքաչափի սանդղակը:

 

Արմինե Գևորգյան

Ռոբերտ Քոչարյանը մնաց կալանքի տակ
Զոհված զինծառայողների մայրերը սպառնում են հացադուլ և նստադուլ անել,եթե վարչապետը չընդունի իրենց
Վլադիմիր Գասպարյանին մեղադրանք է առաջադրվել
Քոչարյանը կմնա կալանքի տակ (Լուսանկարներ, տեսանյութ)
Սա Հայաստանի Հանրապետության պատմության մեջ ամենախայտառակ քրեական գործն է։ Ռոբերտ Քոչարյան