բավ է պառակտվել
20-09-2020 12:32

Արա Աբրահամյանի որդուն պատկանող Ռուբլյովկայի ամենաթանկ առանձնատունը դրվել է վաճաճքի (տեսանյութ)

Ռուսաստանում հայկական համայնքի ղեկավար Արա Աբրահամյանի որդին՝ Վլադիսլավ Աբրահամյանը վաճառքի է հանել իր շքեղ պալատը, որը գտնվում է Բարվիխինսկի անտառային գոտում: Առանձնատան արժեքը $80 միլիոն է (6 միլիարդ ռուբլի՝ խմբ.): Ռուբլյովկայի վրա գտնվող այս առանձնատունՆ թանկերից մեկն է ԱՊՀում և ամենաթանկը՝ Ռուսաստանում։

Հայտնի չէ, թե ինչու են Աբրահամյանները որոշել ազատվել գեղատեսիլ վայրում գտնվող շքեղ գույքից, այնուամենայնիվ, այս գումարի դիմաց գնորդներին առաջարկվում է.

- 11,000 քմ մակերեսով վեց հարկանի տուն;

- 2.51 հա հողամաս;

- 800 քմ մակերեսով հյուրատուն;

- Angela Luigi հռոմեական բյուրոի հեղինակած ինտերյերի դիզայն-նախագիծ;

- բարձր առաստաղներ և համայնապատկերային պատուհաններ;

- թենիսի և մինի գոլֆի դաշտեր անմիջապես տան մեջ;

-12 ննջարանային բլոկ` խոհանոցով, սանհանգույցով և հանդերձասենյակներով;

- լողավազան, մարզադահլիճ, համերգասրահ, բոուլինգի սրահ, սպա-համալիր;

- մեծ ձմեռային այգի։

Հայտարարությւնում սեփականատերերը նշել են, որ շենքն ամբողջովին հարդարելու դեպքում այն հավակնում է դառնալ աշխարհի թանկարժեք  առանձնատներից մեկն: “Այնուամենայնիվ, մենք պատրաստ ենք սակարկել և իջեցնել գինը 3-15% -ով”: Համեմատության համար նշենք, որ Մայքլ Ջեքսոնի հայտնի առանձնատունը սեփական զվարճանքի պուրակով աճուրդով վաճառվել է 32 միլիոն դոլարով:

Տեղեկություն․ “Ռուսաստանի հայերի միության” նախագահ Արա Աբրահամյանը եղել է ԽՍՀՄ էլեկտրոնային արդյունաբերության նախարարության վարչության պետի տեղակալ, “ԿՕՄԵԿՍ” ընկերության գլխավոր տնօրեն, “Սոգլասիե” ՓԲԸ նախագահ և “Ռուսական պաշտպանիչ տեխնոլոգիաներ” կոնցեռնի հիմնադիր: 1990-ականների “Սոգլասիե” ՓԲԸ-ն Կրեմլում շինարարական աշխատանքների և նախագահի աշխատակազմի  հիմնական կապալառուն էր: Աբրահամյանի բիզնեսն այնքան հաջող է ընթացել, որ նրան հաջողվել է ներդրումներ անել այլ երկրներում. միայն Լիբիայի տնտեսության մեջ, նախքան այնտեղ քաղաքացիական պատերազմ սկսելը, գործարարը 1 միլիարդ դոլար է ներարկել:

1997 թ.-ին Օդինցովսկի շրջանի ադմինիստրացիայի որոշմամբ “Սոգլասիե”-ին բաժին հասավ մի քանի հողատարածք Բարվիխայի կլինիկական առողջարանի մերձակայքում։ 2004-2005 թվականներին Մոսկվայի մարզի դատախազությունը և Գույքի կառավարման դաշնային գործակալությունը դիմեցին դատարան՝ վիճարկելու այդ գործարքը, ըստ որի ընկերությունն առողջարանի հողատարածքները ձեռք էր բերել 2,75 միլիոն ռուբլով (այդ ժամանակ՝ $100,000-ից պակաս), բայց Աբրահամյանին հաջողվեց պաշտպանել իր իրավունքներն այդ հողատարքների նկատմամբ, որտեղ և հետագայում հայտնվեց էլիտար բնակավայրը:

Մայրաքաղաքը հեղեղված է «Նիկոլ դավաճան» գրություններով. Երևանն այս պահին (լուսանկարներ)
Ադրբեջանը արհեստական ձգձգում է գերիների վերադարձը․ ՄԻՊ
Ավարտվեց Փաշինյանի հանդիպումը անհետ կորած զինվորների ծնողների հետ (լուսանկարներ)
ՊՆ հերքում է, գյուղապետը հաստատում․ թուրքերը մտել են Սոթք (տեսանյութ)
Անհայտ կորած զինվորների հարազատները փակել են Նիկոլ Փաշինյանի կորտեժը (տեսանյութ)