Բավ է պառակտվել
22-06-2022 22:55

«Ընտանեկան բիզնես»․ ինչպես էին նույն ընտանիքի անդամները զբաղվում հափշտակությամբ ու խարդախությամբ

Հայաստանի քննչական կոմիտեն հայտնում է կազմակերպված հանցավոր խմբի կողմից հափշտակությունների և խարդախության դեպքերի առթիվ հարուցված քրեական գործի նախաքննության ավարտի մասին, որում ներգրավված են եղել Երևանի բնակիչը, նրա դուստրը, որդին և ընկերը։

Գերատեսչության տեղեկություններով՝ ՀՀ քննչական կոմիտեի Արարատի մարզային վարչության քննիչներն ապացույցներ են ձեռք բերել, որ Երևանի 54-ամյա բնակիչը իր 22-ամյա դստեր, 18-ամյա որդու և էջմիածնից ընկերոջ հետ մշակել են ուրիշի ունեցվածքը հափշտակելու մեխանիզմ։

Բաշխելով դերերը, նրանք վստահություն են ձեռք բերել տուժողների՝ հիմնականում մարզերի բնակիչների մոտ և խաբել նրանց՝ գնելով որոշակի ապրանքներ և դրա դիմաց վճարելով կեղծ եվրո թղթադրամներ։

Մասնավորապես, պարզվել է, որ Էջմիածին քաղաքի ճաշարանում 22-ամյա աղջիկը բացահայտ կերպով հափշտակել է գումար վաճառողուհուց և դիմել փախուստի։

Պարզվել է, որ հանցավոր խմբի զոհ է դարձել մոտ 50 մարդ, նրանց պատճառված վնասի չափը կազմում է մոտ 18 մլն դրամ (ավելի քան $43 հազար)։

Ձեռք բերված ապացույցների հիման վրա խմբի բոլոր չորս անդամներին մեղադրանք է առաջադրվել խմբի կողմից կազմակերպված խարդախության համար, իսկ 22-ամյա աղջկան մեղադրանք է առաջադրվել նաև ավազակային հարձակման համար։

Նրանցից երեքի նկատմամբ որպես խափանման միջոց կիրառվել է կալանավորումը, իսկ 18-ամյա երիտասարդի նկատմամբ՝ ստորագրություն՝ չհեռանալու մասին:

Նախաքննությունն ավարտվել է, քրեական գործը մեղադրական եզրակացությամբ ուղարկվել է դատարան։

Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

Ռումբի մասին նամակները հաճախ այլ երկրի քաղաքացիներ են ուղարկում
Երևանում պայթուցիկների տեղադրման մասին բոլոր ահազանգերը կեղծ են եղել
ԱԻՆ-ը հրապարակել է «Սուրմալու» առևտրի կենտրոնում տեղի ունեցած պայթյունի գոտում անհետ կորածների նոր՝ կրճատված ցուցակը
«Սուրմալու» առևտրի կենտրոնում նոր հրդեհի սպառնալիք կա․ ԱԻ նախարար
Հայաստանի ԱԻՆ ահազանգեր են ստացվել մետրոյում, առևտրի բոլոր կենտրոններում, կենդանաբանական այգում, եկեղեցում և այլ օբյեկտներում պայթուցիկ սարքերի տեղադրման մասին։ Կատարվում է տարհանում