ՀՀ երրորդ նախագահ Սերժ Սարգսյանը նոյեմբերի 11-ին հրավիրվել է Ազգային անվտանգության ծառայություն. տեղեկացնում են ՀՀ երրորդ նախագահի գրասենյակից:
«Ի պատասխան բազմաթիվ լրատվամիջոցների հարցումների, տեղեկացնում ենք, որ ՀՀ երրորդ նախագահ Սերժ Սարգսյանն այսօր հրավիրվել է Ազգային անվտանգության ծառայություն: ՀՀ երրորդ նախագահի տուն Ազգային անվտանգության ծառայությունը ծանուցում է ուղարկել ԱԱԾ ներկայանալու վերաբերյալ»,- նշում են գրասենյակից և հավելում, որ նշանակված ժամին` 16:00-ին, նախագահ Սարգսյանը կայցելի ԱԱԾ:
Թարմացում
Ազգային անվտանգության ծառայությունն իր հրավերը ՀՀ երրորդ նախագահին անորոշ ժամանակով հետաձգել է: Այս մասին հայտնում է ՀՀ երրորդ նախագահի գրասենյակը։
Արմինե Գևորգյան