Հայաստանի Սեյսմիկ ծառայությունը երկուշաբթի 4 բալ ուժգնությամբ երկրաշարժ է գրանցել ադրբեջանա-վրացական սահմանին, հայտնում է Հայաստանի ԱԻՆ-ը։
Ըստ գերատեսչության տեղեկատվության՝ հոկտեմբերի 18-ին, տեղական ժամանակով ժամը 14:49-ին (Գրինվիչի ժամանակով ժամը 10:49-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է ստորգետնյա ցնցում՝ Ղազախ քազաքից 30 կմ հյուսիս-արևելք։
Գրանցված երկրաշարժը եղել է օջախի 10 կմ խորությամբ, 3.2 մագնիտուդով։ Էպիկենտրոնային գոտում ստորգետնյա ցնցման ուժգնությունը կազմել է 4 բալ:
Երկրաշարժը զգացվել է Տավուշի մարզի Իջևան, Բերդ, Նոյեմբերյան քաղաքներում 2 բալ ուժգնությամբ և Լոռու մարզի Շնող գյուղում՝ 2-3 բալ ուժգնությամբ: