Հայաստանի սփյուռքի հարցերով հանձնակատար Զարեհ Սինանյանը սփյուռքի պասիվությունը Արցախի շրջափակման հարցում բացատրում է տոներով։
«Սա, ի թիվս այլ գործոնների, պայմանավորված է այն հանգամանքով, որ այն համընկել է տոների հետ, ինչ-որ ապատիա կա, ինքնակազմակերպման ու համայնքների ներսում այլ խնդիրներ կան, բայց կարծում եմ, որ առաջիկա շաբաթների ընթացքում սփյուռքի ներսում ակտիվացում կնկատվի։ Դա արդեն սկսվել է»,- ասել է Զարեհ Սինանյանը։
Նա, մասնավորապես, նշել է ճեպազրույցում, որ նախօրեին Լոս Անջելեսի քաղաքապետի տան մոտ տեղի է ունեցել մեծ ակցիա, որի ժամանակ քաղաքապետը հանդես է եկել հստակ հայտարարությամբ և խոստացել միանալ ավելի լայն աշխատանքներին՝ Լաչինի միջանցքի բացման հարցում ԱՄՆ ներգրավվածությունը մեծացնելու համար։