Լրատվամիջոցները հայտնում են Հայաստանի զինված ուժերի երրորդ բանակային կորպուսի նախկին հրամանատար, գեներալ-մայոր Գրիգորի Խաչատուրովի ձերբակալության մասին։
Ըստ առկա տեղեկությունների, Խաչատուրովի անունը հիշատակվում պաշտպանության նախկին նախարար, «Հայաստան» ընդդիմադիր խմբակցության ղեկավար Սեյրան Օհանյանի դեմ հարուցված քրեական գործում (նա մեղադրվում է առանձնապես խոշոր չափերով հափշտակություն և յուրացումներ կատարելու և պաշտոնեական լիազորությունները չարաշահելու մեջ)։
Ինչպես Facebook-ում գրել է «Հայաստան» խմբակցության պատգամավոր Գեղամ Մանուկյանը, Խաչատուրովին կալանավորելու միջնորդությունը կքննվի այսօր՝ ժամը 12.00-ին, Հակակոռուպցիոն դատարանի նիստում։ Նրա խոսքով, սակայն, գեներալ-մայորին արդեն վաղուց տեղափոխել էին դատարան։
