Բավ է պառակտվել
16-04-2021 13:08

Հայ-վրացական սահմանին սկսվել է «Բարեկամության կամուրջի» շինարարությունը

Հայաստանն ու Վրաստանն, ամփոփելով կամրջի կառուցման աշխատանքները համակարգող հայ-վրացական միջկառավարական համատեղ հանձնաժողովի առցանց նիստի աշխատանքները, տվել են Սադախլո-Բագրատաշեն անցակետի տարածքում՝ Դեբեդ գետի վրա «Բարեկամություն» կամրջի շինարարության մեկնարկը։
Ինրպես նշել է խորհրդակցության ընթացքում հանձնաժողովի համանախագահ, Հայաստանի Տարածքային կառավարման և ենթակառուցվածների փոխնախարար Քրիստինե Ղալեչյանը, Հայաստանը կարևորում է ենթակառուցվածների զարգացման ծրագրերը, և անցակետի տարածքում կամուրջի կառուցումը Հայաստանի կառավարության առաջնահերթություններից է։

Տարածքային կառավարման և ենթակառուցվածների նախարարությունը տեղեկացնում է, որ վրացական կողմը նույնպես կարևորել է «Բարեկամություն» կամրջի կառուցման ծրագիրը՝ երկու երկրների միջև հարմարավետ‚ անվտանգ սահմանահատման տեսանկյունից։

Նախագծի համաձայն՝ կառուցվելու է երկու առանձին կամուրջ՝ երկու ուղղություններով իրարից 1մ հեռավորությամբ: Կամուրջն ունենալու է 386 մ երկարություն‚ ճանապարհի լայնությունը՝ 8.35մ։ Յուրաքանչյուր կամրջի թռիչքային կառուցվածքի ընդհանուր լայնությունը 11.85մ է։ Կամուրջն ունենալու է արտաքին լուսավորություն և ջրահեռացման համակարգ:

Կամուրջի կառուցումը հայ-վրացական համատեղ ծրագիր է‚ որը ֆինանսավորվում է Վերակառուցման և զարգացման եվրոպական բանկի‚ Հայաստանի և Վրաստանի կառավարությունների կողմից։ Կամրջի նախագծման և շինարարության համար պայմանագիր է կնքվել Ariana Tunnel Dam Co. (Իրան) ընկերության հետ։ Տեխնիկական հսկողությունն իրականացնում է Soosung Engineering Co., Ltd և Korea Consultants International Co., Ltd. (Կորեա) համատեղ գործող ընկերությունը։

«Բարեկամության կամուրջ» Հայաստանի ու Վրաստանի միջև
Հայ֊վրացական սահմանից Արցախ պարեն ուղարկելու հարցը լուծված է, այնտեղ էլ մարդ չկա
Հայաստանի Օմբուդսմեն․ Ադրբեջանի ԱԳ նախարարի պնդումները հայ գերիների մասին կոպտորեն ոտնահարում են միջազգային մարդասիրական իրավունքը
Հայաստանի իշխանությունները սկսել են ուսումնասիրել ստորաբաժանումներում զինվորների մահվան դեպքերով հարուցված գործերը
44-օրյա պատերազմի հերոսների հիշատակին․ հայ հրշեջ-փրկարարը մեկ օրում երկու համաշխարհային ռեկորդ է սահմանել