Հայաստանի Ալավերդի քաղաքում իրենց բնակարանում մահացած են հայտնաբերել ընտանիքի չորս անդամներին:
Ամուսինների և նրանց երկու երեխաների մարմինները հայտնաբերվել են այսօր՝ ժամը 13.20-ի սահմաններում, իրենց բնակարանում:
Ահազանգի հետքով ժամանած ոստիկանները և քննիչները տան հյուրասենյակում՝ հատակին, հայտնաբերել են ամուսինների և երեխաներից մեկի, իսկ ննջասենյակում՝ մյուս երեխայի դիերը:
Ինչպես ասում են զոհվածների հարևանները, այդ բնակարանում ապրելիս է եղել Իսրայելյանների ընտանիքը՝ 49-ամյա հայրը, 44-ամյա մայրը, նրանց 17-ամյա որդին և 15-ամյա դուստրը:
Նախնական տվյալներով ՝ ողբերգության պատճառը շմոլ գազի արտահոսքն է: