Բա՛վ է պառակտվել
26-08-2019 13:03

Կրակոցներ Երևանում․ծանր վիրավորվել է երկու տղամարդ

Հայաստանի Քննչական ծառայությունը մանրամասներ է ներկայացրել նախօրեին երևանյան ռեստորանային համալիրներից մեկում տեղի ունեցած զինված միջադեպի մասին։ Ինչպես տեղեկացրել է ՔԾ-ն, Շենգավիթի բաժնում իրականացված գործողությունների արդյունքում կալանավորվել է մեկ անձ։

Ըստ տեղեկատվության, նախօրեին “Էրեբունի” բժշկական կենտրոնից ոստիկանություն ահազանգ է ստացվել այն մասին, որ հրազենային վիրավորումով հիվանդանոց է տեղափոխվել Երևանի երկու բնակիչ։ Նրանցից մեկի՝ 1976թ․ծնված քաղաքացու մոտ արձանագրվել է որովայնի ձախ կողմնային պատի հրազենային վնասվածք /կլինիկական մահ/ և աջ ազդոսկրի կոտրվածք։

Փաստի կապակցությամբ Շենգավիթի քննչական բաժնում հարուցվել է քրեական գործ Հայաստանի ՔՕ 34-104 հոդվածի 2 մասի 2-րդ և 6-րդ կետերով (անձի կամ նրա մերձավորի՝ կապված այդ անձի կողմից իր ծառայողական գործունեության կամ հասարակական պարտքի կատարման հետ՝ շատերի կյանքի համար վտանգավոր եղանակով) և 235-րդ հոդվածի 1-ին մասով (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը)։ Ստեղծվել է քննչական խումբ։

Դեպքի վայրի զննությամբ հայտնաբերվել և առգրավվել է “Մակարով” տեսակի ատրճանակից կրակված 8 հատ պարկուճ, 1 հատ 7.62մմ տրամաչափի կրակված պարկուճ, 1 հատ թմբուկավոր ատրճանակ՝ առանց գործարանային համարի, 1 թմբուկավոր ատրճանակի կրակված պարկուճ, “Մակարով” տեսակի ատրճանակից կրակված 2 գնդակ, 2 ծալովի, գաղտնի փականով դանակ: Առգրավվել են նաև դեպքի վայրի հարակից տարածքում գտնվող տեսանկարահանող սարքերի տեսագրությունները, ինչպես նաև տուժողների հագուստը: Նշանակվել են մի շարք փորձաքննություններ:
Քրեական գործով կատարված քննչական գործողությունների և օպերատիվ-հետախուզական միջոցառումների արդյունքում պարզվել է ենթադրյալ հանցագործություն կատարած անձի ինքնությունը, ով Երևան քաղաքի բնակիչ է՝ ծնված 1975թ.: Վերջինս ձերբակալվել է, քննությունը շարունակվում է։

 

Փաստաբան Հայկ Ալումյանը դատավոր Աննա Դանիբեկյանից պահանջեց դահլիճում պահպանել կոռեկտ մթնոլորտ
Քաղաքապետարանի հնգամյա ծրագրում նոր վերելակի մասին ոչինչ չկա․ Ավագանու անդամ
Դեկտեմբերից Վրաստան ներմուծվող մեքենաների մաքսազերծումը կիրականացվի Գյումրի մաքսատանը․ՊԵԿ նախագահ
Այն բիրտ ճնշումները, որ կան դատական համակարգի վրա, միջնադար է հիշեցնում։Աղվան Վարդանյան
Հարուցված քրգործը քաղաքական բնույթ ունի․Արսեն Բաբայան