«Սասնա ծռեր» խմբի անդամ Պավել Մանուկյանի պաշտպանների վերաքննիչ բողոքը մերժվել է, նա կմնա կալանքի տակ, լրագրողների հետ ճեպազրույցում հայտնեց Մանուկյանի պաշտպան Հարություն Բաղդասարյանը։
Թե ինչ է մերժման հիմքում դրել դատարանը, այս պահի դրությամբ պաշտպանը դժվարացավ պատասխանել, քանի որ դեռևս իրեն չէին տրամադրել դատարանի որոշումը, միևնույն ժամանակ ենթադրաբար նշեց, որ ինչպես սովորաբար է լինում նման դեպքերում՝ «կարող է խուսափել գործի քննությունից, թաքնվել, խոչընդոտել»:
Այսօր «Դատապարտյալների հիվանդանոց» ՔԿՀ-ում նախատեսվում է Պավել Մանուկյանի վիրահատությունը:
Նա հրազենային վնասվածքն է ստացել զույգ ազդրերի շրջանում, բացի այդ նրա մոտ ախտորոշվել է աջ ազդրի բազմաբեկոր կոտրվածք: