Դատարանը մերժեց Երևանում հղի կնոջը վրաերթի ենթարկած Հայաստանի վարչապետ Նիկոլ Փաշինյանի ավտոշարասյան մեքենայի վարորդին, ոստիկանության մայորին կալանավորելու միջնորդությունը։ Այս տեղեկությունը «Նովոստի-Արմենիա» տեղեկատվական գործակալությանը հաստատեց Հայաստանի քննչական կոմիտեի մամլո քարտուղար Վարդան Թադևոսյանը։
«Միջնորդությունը ներկայացրել է Քննչական կոմիտեն, դատարանը մերժել է»,- ասաց նա։
Թադևոսյանն ընդգծեց, որ վարորդի նկատմամբ որպես խափանման միջոց է ընտրվել ստորագրություն չհեռանալու մասին։
Ավելի վաղ համացանցում հայտնվել էին սահմռկեցուցիչ կադրեր, թե ինչպես է Հայաստանի վարչապետ Նիկոլ Փաշինյանի ավտոշարասյան մեքենան վրաերթի ենթարկում հղի կնոջը։ Ավելի ուշ հայտնի դարձավ, որ տուժողը՝ 28-ամյա Սոնա Մնացականյանը, մահացել է։ Ողբերգական դեպքը տեղի է ունեցել ապրիլի 26-ին Պարոնյան-Լեո փողոցների խաչմերուկում։ Վարորդը՝ ոստիկանության մայոր, ձերբակալվել էր, կատարվում է հետաքննություն։