Այսօր լրագրողների հետ հանդիպման ժամանակ «Ավտովարորդների լիգայի պաշտպանություն» ՀԿ նախագահ Տիգրան Հովհաննիսյանը հայտարարեց, որ Ճանապարհային ոստիկանության աշխատակիցների հետ հանդիպումներն ամեն շաբաթ կլինեն. այդպես համագործակցելով խնդիրներին ավելի արագ կարելի է լուծում տալ: «Անգամ ոստիկանապետն ասաց, որ յուրաքանչյուր շաբաթ է պետք է հանդիպել, ոչ թե ամիսը մեկ: Այնքան շատ են բողոքները, որ միայն հաճախակի հանդիպումներով կարելի է լուծում գտնել»,-նշեց Հովհաննիսյանը: Բանախոսը հայտնեց, որ մինչև կայանատեղիների հարցը լուծելը տաքսու վարորդները չեն տուգանվելու երկրորդ շարքից ուղևոր իջեցնելու և կարմիր գծերի վրա կանգնելու համար: Ըստ Տիգրան Հովհաննիսյանի՝ իրենց պայքարը շարունակական է լինելու և ցանկացողները կարող են միանալ իրենց ամենշաբաթյա հանդիպումներին` առաջարկելով միանալ նաև կապի և տրանսպորտի, ֆինանսների նախարարություններին:
Բավ է պառակտվել