Նախօրեին խոշոր ավտովթար է տեղի ունեցել Շիրակի մարզում:
Ինչպես հաղորդում է ՀՀ ԱԻՆ մամուլի ծառայությունը, Երևան- Գյումրի ավտոճանապարհի Հոռոմ գյուղի սկզբնամասում բախվել են «Կամազ» մակնիշի բեռնատար ավտոմեքենան (վարորդ՝ 1967 թ. ծնված Գ. Ե.) և «Բելառուս» մակնիշի տրակտորը (վարորդ՝ 1956 թ. ծնված Ն. Ե.):
Բախման հետևանքով տրակտորը կողաշրջվել է:
Դեպքի վայր են ժամանել ճանապարհային ոստիկանության աշխատակիցները, Շիրակի մարզային փրկարարական վարչության փրկարարները և Հայատանի քննչական կոմիտեի Շիրակի մարզային քննչական վարչության քննչական խումբը:
«Փրկարարները «Բելառուս» ավտոմեքենայի վարորդին և ուղևորին՝ 1967 թ. ծնված Գ. Պ.-ին, դուրս են բերել ավտոմեքենայից: Վերջիններս հոսպիտալացվել են Գյումրի քաղաքի ԲԿ, որտեղ բժիշկները տուժած Ն. Ե.-ի առողջական վիճակը գնահատել են ծանր, իսկ Գ.Պ.-ը, ստանալով համապատասխան բուժօգնություն, դուրս է գրվել», - նշվում է հաղորդագրության մեջ:
Փրկարարները դադարեցրել են վառելիքի արտահոսքը և կատարել ճանապարհահատվածի լվացման աշխատանքներ: