Ստեփանծմիդա - Լարս ավտոճանապարհը փակ է բոլոր տրանսպորտային միջոցների համար, հայտնում է ՀՀ արտակարգ իրավիճակների նախարարությունը` վկայակոչելով Վրաստանի Արտակարգ իրավիճակների նախարարությունից ստացված տեղեկությունները:
Հայաստանի և Ռուսաստանի միջև միակ ցամաքային այս երթուղու վրա է գտնվում “Վերին Լարս” անցակետը:
ԱԻՆ-ը տեղեկացնում է նաև, որ ըստ ՌԴ ԱԻՆ Հյուսիսային Օսիայի Հանրապետության գլխավոր վարչության տվյալների, ռուսական կողմից անցակետում կուտակվել է շուրջ 630 մարդատար, 335 բեռնատար ավտոմեքենա, ինչպես նաև 5 ավտոբուս։
Միաժամանակ, ժամը 12։00-ի դրությամբ Հայաստանում կան դժվարանցանելի ճանապարհներ։
Վարդենյաց լեռնանցքը փակ է:
Սոթք - Քարվաճառ ճանապարհահատվածը դժվարանցանելի է տրանսպորտային միփոցների երթևեկության համար։
Ամասիայի և Աշոցքի շրջաններում, Քեթիի և Դիլիջանի ոլորաններում, Վանաձոր - Դիլիջան , Մաստարա - Լանջիկ, Ապարան - Քուչակ, Ալագյազ - Արթիկ, Ապարան - Արագած, ինչպես նաև Սիսիան - “Զանգեր” ճանապարհահատվածներում տեղ-տեղ առկա է մերկասառույց։
“Վարորդներին խորհուրդ է տրվում մարզեր երթևեկել բացառապես ձմեռային անվադողերով”,- նշվել է հայտարարության մեջ։