Կենդանաբանական այգու ամուրյան վագրերի ընտանիքը համալրում է ունեցել։ Այս մասին հայտնում է կենդանաբանական այգու մամուլի ծառայությունը։
«Հունիսի 10-ին ծնվել է մեր այգու «մանկապարտեզի» հերթական անդամը։ Վագրիկն արտաքուստ առողջ է և գտնվում է շուրջօրյա հսկողության տակ։ Հուսով ենք, որ ամեն ինչ լավ կընթանա և շուտով կկարողանանք ներկայացնել մեր "աղջնակին" առավել լիարժեք»,- ասվում է հաղորդագրության մեջ։
Ամուրյան վագրերն ընդգրկված են միջազգային կարմիր գրքում որպես անհետացող տեսակ։
