Հունվարի 6-ին պարեկայինները Քանաքեռ-Զեյթունի «Դեգուստո» ռեստորանի դիմաց նկատել են անգիտակից վիճակում երեք քաղաքացու, հայտնում է shamshyan.com-ը։
Վիրավորները տեղափոխվել են մոտակա «Իզմիրլյան» բժշկական կենտրոն։ Ավելի ուշ հայտնի է դարձել, որ հոսպիտալացվածներից մեկը մահացել է, բժիշկները պայքարում են մյուս երկուսի կյանքի համար։ Ավելի ուշ տեղեկություն է ստացվել, որ նույն տարածքից 8-րդ հիվանդանոց է տեղափոխվել ևս մեկ տուժած, որն անմիջականորեն կապված է Դեգուստոյի մոտ տեղի ունեցած միջադեպի հետ։
Հարուցվել է քրեական գործ՝ սպանության և սպանության փորձի հատկանիշներով։