Չորեքշաբթի օրը Երևանում տեղի է ունեցել երթ՝ ի պաշտպանություն Արցախի։
Դրա մասնակիցները նամակներ են փոխանցել ՄԱԿ-ի հայաստանյան գրասենյակին, Ֆրանսիայի, Ռուսաստանի և ԱՄՆ դեսպանատներին՝ պահանջելով դադարեցնել Ադրբեջանի ագրեսիան Արցախի դեմ և ապաշրջափակել Լաչինի միջանցքը։
Ինչպես հայտնում են Արցախի ՆԳՆ-ից, Ադրբեջանի հերթական սադրանքի արդյունքում մեկ օրից ավելի է, ինչ Արցախի Հանրապետությունը փաստացի շրջափակման մեջ է, խախտվել են հազարավոր քաղաքացիների իրավունքները։ Ստեփանակերտ-Գորիս միջպետական մայրուղին, որը Արցախը Հայաստանի հետ կապող միակ ճանապարհն է, շարունակում է երկկողմանի փակ մնալ։