Բա՛վ է պառակտվել
16-12-2019 19:34

ՀՖՖ նախկին նախագահ Ռուբեն Հայրապետյանի անվան հետ կապված քրեական գործ է հարուցվել չորս հոդվածով

Քննչական կոմիտեն վարույթ է ընդունել Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանին առնչվող քրեական գործը։ Այս մասին “Նովոստի-Արմենիա” գործակալությանը հայտնել է Հայաստանի Քննչական կոմիտեի դեպարտամենտի տեղեկատվության և հասարակայնության հետ կապերի բաժնի ղեկավար Նաիրա Հարությունյանը։

Նրա խոսքով, Հայաստանի ոստիկանության կազմակերպված հանցագործության դեմ պայքարի գլխավոր վարչությունը (6-րդ բաժին) հարուցել է քրեական գործ ՔՕ մի քանի հոդվածով․ “պաշտոնեական անփութություն, որն անզգուշությամբ առաջացրել է ծանր հետևանքներ”, “խոշոր չափերով յուրացում”, “մի խումբ անձանց կողմից փաստաթղթեր կեղծելը”, “առևտրային կամ այլ կազմակերպությունների ծառայողների կողմից լիազորությունները չարաշահելը”, ինչը հանգեցրել է ծանր հետևանքների։

Հիշեցնենք, որ Հայրապետյանի տանն ուրբաթ օրը խուզարկություն է իրականացվել։

Ավելի վաղ ոստիկանության մամլո կենտրոնին հայտնի է դարձել, որ Հայաստանի ոստիկանության կազմակերպված հանցավորության դեմ պայքարի վարչությունում (6-րդ բաժին) նյութեր են նախապատրաստվում Հայրապետյանին նկատմամբ։ Տեղեկություններ են ստացվել, որ նա, չկատարելով կամ մասնակի կատարելով պայմանագրերով և նախահաշվարկներով նախատեսված ծավալները ու կազմելով կեղծ, իրականությանը չհամապատասխանող կատարողական ակտեր, յուրացրել է առանձնապես խոշոր չափերի գումարներ:

Հերթական կապիկությունն էր: Ռուբեն Հայրապետյան
Ռուբեն Հայրապետյանին բերման ենթարկելու պատճառը ենթադրյալ 2 ավտոմեքենաներով երթևեկելն է
Մեր տեսակին չեն կարող վախեցնել. Ռուբեն Հայրապետյան
«Մի գեղեցիկ օր ես եմ պառկացնելու ու ոտքերս մաքրելու իրենց վրա». Ռուբեն Հայրապետյան
Ես կարեկցում եմ Արսեն Թորոսյանին․Դավիթ Սանասարյան