Բավ է պառակտվել
15-01-2021 17:07

Հայաստանում կտուգանեն անձնական մեքենան վարելիս ծխելու համար

Հայաստանում տուգանք կսահմանվի անձնական օգտագործման տրանսպորտային միջոցներում ընթացքի ժամանակ ծխելու համար, ասեկ է ուրբաթ ՀՀ փոխոստիկանապետ Արա Ֆիդանյանը, պաշտպանության և անվտանգության հարցերի մշտական խորհրդարանական հանձնաժողովի նիստի ժամանակ «Վարչական իրավախախտումների մասին» օրենքում փոփոխությունները ներկայացնելիս։

Նա նշել է, որ «Վարչական իրավախախտումների մասին» օրենքում կատարված փոփոխությունները նպատակ ունեն ապահովել տուգանային կետերի համակարգի լիարժեք կիրառումը, կանխել հնարավոր խախտումները, ինչպես նաև ապահովել պատժի անխուսափելիության սկզբունքը:

«Այլ փոփոխությունների հետ մեկտեղ խստացվում է ոչ վարչական պատասխանատվությունն անձնական մեքենայի վարորդին ծխելու համար», - ասել է Ֆիդանյանը:

Նա նշել է, որ նախկին օրենսդրության համաձայն՝ վարչական պատասխանատվությունը նախատեսվում էր միայն հասարակական տրանսպորտի վարորդների համար, իսկ տվյալ դեպքում պատասխանատվության կենթարկվեն նաև անձնական մեքենաների վարորդները:

Նախատեսվում է, որ նման խախտման համար կհանվի 1 տուգանային միավոր:

«Մենք խիստ չենք համարում այս միջոցառումը, քանի որ կան բազմաթիվ դեպքեր, երբ ճանապարհատրանսպորտային պատահարները տեղի են ունենում հենց վարորդի կողմից ծխելու պատճառով, և դրանք հաճախ ունենում են ծանր հետևանքներ», - ասել է Ֆիդանյանը: Նա նաև շեշտել է, որ ընդհանուր առմամբ, 2020 թ.-ին ճանապարհային երթևեկության զոհերի թիվը 25-30-ով պակաս է 2019-ի համեմատ: Միևնույն ժամանակ, նա հիշեցրել է, որ տուգանային միավորների համակարգը դեռևս լիարժեք չի կիրառվում. Ընդամենը 30-40% -ով, բացի այդ, ոչ բոլոր մարզերում և ճանապարհներին են տեղադրված անվտանգության տեսախցիկները, որոնք թույլ կտան հետևել խախտումներին։

2019 թվականի դեկտեմբերի 8-ին Հայաստանի Ազգային ժողովն ընդունեց «Վարչական իրավախախտումների մասին» օրենսգրքում և հարակից օրենքներում փոփոխություններ և լրացումներ կատարելու մասին օրենքների նախագծերի փաթեթը, որը նախատեսում էր ճանապարհային անվտանգության գնահատման բալային համակարգի ներդրում: Նոր մոտեցումը, որն ուժի մեջ է մտել 2020 թվականի հունվարի 1-ից, ենթադրում է հրաժարվել «իրավախախտում - տուգանք» համակարգից, փոխարենը նեչդնելով «իրավախախտում - տուգանք + տուգանային միավոր» համակարգը, ինչը կբարձրացնի վարչական իրավախախտումների կանխման արդյունավետությունը: Վարորդական իրավունք ստանալու պահից վարորդներին տարեկան հատկացվում է 9 միավոր, որից հետո իրավախախտումների համար տուգանային միավորներ են հանվում: Դրանց չափը սահմանվում է հաշվի առնելով հասարակության համար խախտման վտանգի աստիճանը և դրանց քանակը: 9 միավորի սպառման դեպքում քաղաքացին վեց ամսով զրկվում է մեքենա վարելու իրավունքից, որից հետո նրան կրկին տրվում է 9 միավոր: Բոլոր միավորները կրկին սպառելու դեպքում անձը մեկ տարով զրկվում է վարորդական իրավունքից։ Վարորդական Իրավունքը հնարավոր կլինի վերականգնել տեսական և գործնական քննությունները կրկին հանձնելուց հետո: Ընդունված փոփոխությունների մի մասն ուժի մեջ է մտել 2020 թվականի հունվարի 1-ից, իսկ մյուս մասը՝ 2020 թվականի սեպտեմբերի 1-ից:

Հայաստանում ավտոմեքնենան վարելիս ծխելու համար կկիրառվի 0,5 միավոր
Աջ ղեկով մեքենաների հարցը ժամանակավորապես լուծվեց
Հայաստանը բանակցություններ է վարում COVID-19 պատվաստանյութի արտադրությամբ զբաղվող չորս արտադրողների հետ
Գեղարքունիքի մարզպետի տեղակալ գեներալ-մայոր Մուրադյանը հեռանում է պաշտոնից, միանում ԶՈՒ ԳՇ-ին
Ավտովթարից վախճանվել է Ջրվեժի Սբ. Կաթողիկե եկեղեցու հոգևոր հովիվ Տեր Կյուրեղ քահանա Տալյանը