Եղվարդում, ինչպես նաև Կոտայքի մարզի Նոր Գեղի, Բուժական և Թեղենիք գյուղերում մառախուղ է, հայտնում է Հայաստանի արտակարգ իրավիճակների նախարարությունը:
Հայաստանի տարածքում կան փակ և դժվարանցանելի ճանապարհներ: Այս մասին հայտնում են հանրապետության արտակարգ իրավիճակների նախարարության մամլո ծառայությունից:
«Արագածոտնի մարզի Ամբերդ ամրոց և Քարի լիճ տանող ճանապարհները փակ են: Եղվարդում, ինչպես նաև Կոտայքի մարզի Նոր Գեղի, Բուժական և Թեղենիք գյուղերում մառախուղ է», - ասվում է հաղորդագրության մեջ:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տիպի տրանսպորտային միջոցների համար։