Հայաստանի շրջակա միջավայրի նախարարությունը մտադիր է գույքագրել բնության հուշարձանները և նրանց անձնագրեր հատկացնել։
Համապատասխան միջոցառումների շրջանակներում, մասնավորապես, կիրականացվեն բնության հուշարձանների դաշտային հետազոտություններ, չափագրումներ և լուսանկարահանումներ, դրանց տեղակայման ճշգրտում և քարտեզների մշակում, ինչպես նաև հուշարձանների շրջակայքի պահպանվող տարածքի նույնականացում և քարտեզագրում։
Կհստակեցվեն նաև բնության հուշարձանների պահպանվող գոտիների սեփականության սուբյեկտների և դրանց օգտագործման սահմանափակումների վերաբերյալ տեղեկությունները։