Հիդրոօդերեւութաբանության և մոնիտորինգի կենտրոնը ներկայացրել է առաջիկա մի քանի օրերի եղանակը Հայաստանում։
Դեկտեմբերի 11-15-ը հանրապետության ողջ տարածքում սպասվում է պարզ եղանակ։ Գիշերը և առավոտյան ժամերին լեռնային և նախալեռնային գոտիներում ճանապարհները կպատվեն մերկասառույցով, Արարատյան դաշտում, այդ թվում՝ Երևանում առավոտյան ժամերին հնարավոր է մառախուղ:
Քամին՝ հարավ-արևմտյան՝ 2-5 մ/վ արագությամբ։
Աառաջիկա հինգ օրերին Երևանում ցերեկային ժամերին կգրանցվի 5-9 աստիճան տաքույթուն, գիշերը ջերմաստիճանը կնվազի մինչև զրոյից ցածր -2․․․-4 աստիճան։
Ամենացածր ջերմաստիճանները սպասվում են կիրակի լույս երկուշաբթի գիշերը Շիրակի մարզում, որտեղ սպասվում է -15...-20։ Գեղարքունիքում և Արագածոտնի լեռներում սպասվում է 6-11 աստիճան ցուրտ։