Հայ փաստաբաններ Տիգրան Աթանեսյանը և Մարգարիտա Գյուլումյանը հայցադիմում են ներկայացրել Երևան քաղաքի առաջին ատյանի ընդհանուր իրավասության դատարանին՝ Հայաստանում «կոռումպացված օլիգարխ Ջորջ Սորոսի օֆշորային գրասենյակը» լուծարելու պահանջով: Այս մասին գրել է Աթանեսյանը ֆեյսբուքյան իր էջում։
«Նկատի ունենալով հարցի խիստ կարևորությունը և հրատապությունը,, ելնելով այդ օֆշորային գրասենյակի պետականաքանդ և հակազգային գործունեությունը շուտափույթ դադարեցնելու օրվա հրամայականից, կանխարգելելու համար բոլոր հնարավոր վտանգները, դատարանին միջնորդել ենք կիրառել հայցի ապահովման միջոց և անհապաղ կասեցնել Սորոսի օֆշորային գրասենյակի գործունեությունը՝ մինչև վճռի օրինական ուժի մեջ մտնելը»,- նշել է Աթանեսյանը։
Նա համոզված է, որ հայցադիմումն ունի բոլոր օրինական հիմքերն ու հիմնավորումները, որոնք թույլ են տալիս դատարանին գործելու արագ և ի շահ Հայաստանի Հանրապետության:
«Բաց հասարակության հիմնադրամը» («Սորոսի հիմնադրամ») Հայաստանում գործում է 1997 թվականից։