Պետական եկամուտների կոմիտեի մաքսանենգության դեմ պայքարի վարչության աշխատակիցները Մեղրիի մաքսային կետի աշխատակիցների հետ համատեղ կանխել են խոշոր չափի թմրանյութի՝ մաքսանենգ ճանապարհով Հայաստանի տարածքով տարանցիկ փոխադրման հերթական դեպքը, հայտնում է գերատեսչության մամուլի ծառայությունը:
Վարչության աշխատակիցները զննության են ենթարկել Իրանից Հայաստան ժամանած Իրանի քաղաքացու ուղեբեռը: Արդյունքում հայտնաբերվել է 5կգ ընդհանուր քաշով 3 ներքնակ, որոնց սպունգները ներծծված են եղել “ափիոն” տեսակի թմրանյութի փոշենման զանգվածով:
Դեպքի առթիվ կազմված նյութերը ուղարկվել են ՊԵԿ քննչական վարչություն։ Հարուցվել է քրեական գործ քրեական օրենսգրքի համապատասխան հոդվածի հատկանիշներով: Իրանի քաղաքացին ձերբակալվել է: