Բա՛վ է պառակտվել
12-07-2019 13:37

Հայաստանում կանխվել է մեծ չափաբաժնով թմրանյութերի մաքսանենգ ներկրման մի քանի փորձ

Ազգային անվտանգության ծառայության աշխատակիցները, թմրամիջոցների ապօրինի շրջանառության և մաքսանենգության դեմ պայքարին ուղղված գործառույթների իրականացման շրջանակներում ձեռնարկված համալիր օպերատիվ-հետախուզական միջոցառումների և քննչական գործողությունների արդյունքում բացահայտել են մի խումբ անձանց կողմից նախնական համաձայնությամբ առանձնապես խոշոր չափերով թմրամիջոցների ապօրինի շրջանառության դեպքեր, տեղեկացրել է ԱԱԾ մամլո կենտրոնը:

Մասնավորապես՝ ԱԱԾ-ում օպերատիվ տվյալներ են ստացվել այն մասին, որ Հայաստանի 2 քաղաքացիներ իրացման նպատակով հայ-իրանական սահմանով տեղափոխել են առանձնապես խոշոր չափերի՝ մոտ 1 կգ “մեթամֆետամին” տեսակի թմրամիջոց (“սև շուկայում”  1 գրամ “մեթամֆետամին” տեսակի թմրամիջոցի արժեքը 100-120 հազար դրամ է):
ԱԱԾ աշխատակիցների կողմից ձեռնարկված օպերատիվ-հետախուզական միջոցառումների արդյունքում,  2019թ. հուլիսի 9-ին թմրամիջոցը տեղափոխելու ճանապարհին՝ Կապան քաղաքում, թմրամիջոցը հայտնաբերվել է ավտոմեքենայում, նշված անձինք բռնվել և բերման են ենթարկվել։
Մեկ այլ դեպքով ՀՀ ԱԱԾ և ՊԵԿ աշխատակիցների կողմից ձեռնարկված լայնածավալ օպերատիվ հետախուզական միջոցառումների արդյունքում ձեռք բերված նախնական տվյալների համաձայն՝ մի խումբ անձինք կազմակերպել են ԱՄՆ-ից փոստային առաքանու միջոցով առանձնապես խոշոր չափերով՝ “ՄԴՄԱ” տեսակի (“էքստազի”)  148 հատ դեղահաբի (“սև շուկայում”  148 հատ “ՄԴՄԱ” տեսակի դեղահաբի գինը մոտ 1.5 մլն ՀՀ դրամ է) մաքսանենգ ճանապարհով տեղափոխումը Հայաստանի տարածք: 
2019թ. հուլիսի 8-ին փոստից առաքանու ստացումը կատարվել է ԱԱԾ աշխատակիցների օպերատիվ վերահսկողության ներքո, առաքանին ստանալուց անմիջապես հետո նշված անձինք բռնվել և բերման են ենթարկվել։
Առերևույթ հանցագործության դեպքերի առթիվ ՀՀ ԱԱԾ քննչական դեպարտամենտում հարուցվել են քրեական գործեր՝ ՀՀ ՔՕ համապատասխան հոդվածներով: Մեղադրանք է առաջադրվել 3 անձի: Որպես խափանման միջոց ընտրվել է կալանավորումը։ Կատարվում է նախաքննություն։

Հայաստանում բացահայտվել է ավելի քան 100մլն դրամի ապօրինի ծառահատման դեպք
Աջ ղեկով մեքենաների հարցը ժամանակավորապես լուծվեց
Երևանում Օպերայի հարակից տարածքում սրճարանի ապօրինի շինարարության առթիվ հարուցվել է քրեական գործ
Հայաստանում բացահայտել են իտալացիների կողմից տասնյակ երեխաների ապօրինի որդեգրման սխեմա
Շարունակում ենք պահանջել Արայիկ Հարությունյանի հրաժարականը. ՀՅԴ երիտասարդներ