Կառավարությունն այսօր որոշեց ՀՀ անապահով խմբերին հատկացվող կենամակարդակի բարձրացմանն ուղղված նպաստների միջին ամսական չափն ավելացնել 2000 դրամով, քանի որ, կառավարության հաշվարկով, էլեկտրաէներգիայի սակագնի բարձրացումը հենց այդ չափով է ավելացնելու նրանց ծախսերը:
Կառավարությոան հաշվարկը հետևյալն է. «2014 թվականին էլեկտրաէներգիայի միջին ամսական սպառումը ընտանիքների կողմից կազմում է շուրջ 200 կվտ. ձմեռային ամիսներին` 325, իսկ ամառային ամիսներին` 180 կվտ: Էլեկտրաէներգիայի սակագինը 6,93 ՀՀ դրամով բարձրանալու արդյունքում ընտանիքի համար միջին ամսական լրացուցիչ ծախսը, միայն էլեկտրաէներգիայի սպառմամբ պայմանավորված, կկազմի շուրջ 1400 ՀՀ դրամ: Սակայն էլեկտրաէներգիայի սակագների բարձրացումը կհանգեցնի նաև դրանով պայմանավորված ընտանիքների կողմից կատարվող այլ ծախսերի ավելացման: Սոցիալապես անապահով ընտանիքների համար, որոնք առանց այն էլ, խնայողական ռեժիմով են օգտագործում էլեկտրաէներգիան, նման մոտեցումը ցանկալի չէ և Որոշման նախագծով առաջարկվում է ընտանիքի կենսամակարդակի բարձրացմանն ուղղված նպաստի չափը բարձրացնել 2000 (1400+600այլ ծախսեր) ՀՀ դրամի չափով»:
Իսկ այս փոխհատուցումից կօգտվեն ՀՀ շուրջ 105 000 ընտանիքներ: Ընդունված որոշմամբ, Օգոստոսի 1-ից 2000-ական դրամներով կավելանան ընտանեկան նպաստի բազային մասը, սոցիալական նպաստը և եռամսյակային հրատապ օգնությունը: