#հաղթելուենք
24-08-2020 10:14

Զինված ուժերում մեկնարկել են պլանային հրամանատարաշտաբային զորավարժություններ

ՀՀ Զինված ուժերի 2020թ. պատրաստության պլանի համաձայն, օգոստոսի 24-ի առավոտյան՝ ժամը 05:00-ին, ԶՈՒ գլխավոր շտաբի պետի ղեկավարությամբ մեկնարկել են ՀՀ հարավ-արևելյան ուղղությամբ տեղակայված զորամիավորման և զորամասերի հետ անցկացվող հրամանատարաշտաբային զորավարժություններ։ Այս մասին ֆեյսբուքյան իր էջում գրել է Պաշտպանության նախարարի մամուլի խոսնակ Շուշան Ստեփանյանը:

«Զորավարժությունների նպատակն է ստուգել զորքերի մարտական պատրաստականությունը և միջոցներ ձեռնարկել միջոցառումների կատարման ժամանակացույցերի կրճատման ուղղությամբ, ստուգել և կատարելագործել կառավարման մարմինների ունակությունները օպերացիաներ նախապատրաստելիս և վարելիս, խաղարկել հակառակորդի հավանական ագրեսիայի հետմղման և նրա հարվածային խմբավորումների ջախջախման օպերատիվ-մարտավարական դրվագներ, ինչպես նաև համաձայնեցնել զորամիավորման և այդ ուղղությամբ աջակցման համար նշանակված ուժերի ու միջոցների փոխգործակցության հարցերը»,- գրել է Ստեփանյանը:

ՀՀ-ն ՌԴ-ի, Չինաստանի, Իրանի, Պակիստանի և այլ երկրների հետ կմասնակցի համատեղ զորավարժությունների
Այս պահին ունենք արյան բավարար պաշար, անհանգստանալու կարիք չկա․ Սամվել Դանիելյան
Պտղունք համայքնում ամբողջությամբ այրվել է 10 տուն (լուսանկարներ)
Ոչ վաշխառությանն ու վարկային թալանին. Բողոքի ակցիա կառավարության դիմաց
Արայիկ Հարությունյանը սպառնում է Նիկոլ Փաշինյանին՝ իր մեթոդով