Բա՛վ է պառակտվել
30-07-2019 22:15

Երևանում 18-ամյա երիտասարդը դանակահարել է երկու անչափահասի, նրան մեղադրանք է առաջադրվել

Երևանում 18-ամյա երիտասարդին մեղադրանք է առաջադրվել երկու անչափահասների մարմնական վնաս պատճառելու համար, հայտնում են ՀՀ Քննչական կոմիտեի մամուլի ծառայությունից:

Հուլիսի 25-ին, ժամը 22-ի սահմաններում ոստիկանության Էրեբունու բաժին ահազանգ է ստացվել ՛Էրեբունի՛ բժշկական կենտրոնից, որ բազմաթիվ մարմնական վնասվածքներով, այդ թվում՝ “համակցված թորակոաբդոմինալ վնասվածք աջից, կրծքավանդակի աջ կեսի կտրած-ծակած, արյունահոսող, կրծքավանդակի և որովայնի խոռոչ թափանցող վերք՝ ստոծանու աջ գմբեթի և լյարդի աջ բլթի վնասումով” ախտորոշմամբ իրենց մոտ է տեղափոխվել 2004 թվականին ծնված երիտասարդ։ Րոպեներ անց նույն բժշկական կենտրոն է դիմել 2003թ ծնված մեկ այլ երիտասարդ՝ նմանատիպ վնասվածքներով։
Փաստի կապակցությամբ Էրեբունի և Նուբարաշեն քննչական բաժնում հարուցվել է քրեական գործ ՝ ՀՀ քրեական օրենսգրքի 112-րդ հոդվածի 1-ին մասի (դիտավորությամբ ծանր մարմնական վնաս պատճառելը) և 113-րդ հոդվածի 1-ին մասով (դիտավորությամբ առողջությանը միջին վնաս պատճառելը): .

Ըստ նախնական տվյալների՝ այդ օրը, ժամը 21: 00-ին, Էրեբունի և Ազատամարտիկ փողոցների խաչմերուկում տեղի է ունեցել վիճաբանություն երիտասարդների միջև, ինչը վերածվել է դանակահարության:
Նախաքննության ընթացքում ձեռնարկվել են քննչական միջոցառումներ, հետազոտվել է բժշկական կենտրոնի ՛քրեական գրանցամատյանը”, դեպքի վայրից առգրավվել է տուժածների հագուստն՝ արյան հետքերով, ուսումնասիրվել է դեպքի վայրը, որի ընթացքում հայտնաբերվել են արյան նման հետքեր, վերցվել են նմուշներ, հարցաքննվել են տուժածները և մի շարք վկաներ:

Իրականացված անհետաձգելի քննչական գործողությունների և օպերատիվ-հետախուզական միջոցառումների արդյունքում պարզվել են միջադեպի մի շարք հանգամանքներ՝ դեպքի վայրը, ինչպես նաև՝ ենթադրյալ հանցագործություն կատարած անձի ինքնությունը, ով հանդիսանում է Երևան քաղաքի բնակիչ՝ ծնված 2000 թվականին: Վերջինս հայտնաբերվել և ձերբակալվել է։

Ձեռք բերված բավարար ապացույցների համակցությամբ՝ 18-ամյա երիտասարդին մեղադրանք է առաջադրվել վերոհիշյալ հոդվածներով։
Քննիչը միջնորդություն է ներկայացրել դատարան՝ նրա նկատմամբ որպես խափանման միջոց կալանավորում ընտրելու վերաբերյալ: Նախաքննությունը շարունակվում է։

Ապրիլյան քննիչ հանձնաժողովի նիստին մասնակցել է Արշակ Կարապետյանը
Ու՞մ մեղավորություն է, որ հոսքաջրերը լցվել են Ողջի գետ
Ծառայողական պարտականությունները կատարելիս սպանվեց ավագ Տիգրան Առաքելյանը (Տեսանյութ)
Քոչարյանի դատը հետաձգվեց,նա դեռ երկու շաբաթ կմնա հիվանդանոցում
“Հայաստան” համահայկական հիմնադրամի նախկին տնօրենը կալանավորվել է