Բավ է պառակտվել
16-12-2022 17:26

Երևանում Բրիտանիային մեղադրել են Արցախում հումանիտար աղետ առաջացրած Ադրբեջանի հետ դավադրության մեջ

Երևանում շարունակվում են բողոքի ցույցերը դեսպանատների առջև՝ ի պաշտպանություն Արցախի։ Մասնակիցները միջազգային հանրությունից պահանջում են ճնշում գործադրել Ադրբեջանի վրա՝ Լաչինի միջանցքը ապաշրջափակելու համար։

Մինչ ՄԱԿ-ի գրասենյակի մոտ շարունակվում է անժամկետ նստացույցը՝ Արցախի պետնախարարի խորհրդական Արտակ Բեգլարյանի գլխավորությամբ, այսօր մի խումբ ցուցարարներ շարժվել են դեպի ՌԴ դեսպանատուն։ Այնտեղ նրանք նշել են, որ Ռուսաստանի դերն այս խնդրի լուծման գործում մեծ է, և այդ ուղղությամբ արդյունավետ քայլերի հույս ունեն։

Դրանից հետո ցուցարարները շարժվել են դեպի Մեծ Բրիտանիայի դեսպանատուն, որտեղ և հնչել են մեղադրանքները։

«Այս երկիրն անմիջական կապ ունի Արցախում տիրող իրավիճակի հետ։ Մեծ Բրիտանիան ուղղակիորեն առնչվում է Արցախում տեղի ունեցած հումանիտար աղետին։ Այն, ինչ հիմա կատարվում է Արցախում, անգլո-ադրբեջանական փոխշահավետ համագործակցության հետևանք է»,– հայտարարել են ցուցարարները։

«Արցախն է կանչում». հանրահավաք ու քայլերթ Երևանում
Երևանում մեկ րոպե լռությամբ հարգել են արցախյան պատերազմի զոհերի հիշատակը
Երևան-Սևան մայրուղում տեղի ունեցած պայթյունի գործով մեղադրանք է ներկայացվել երեք անձի
«Կարտոֆիլը շքեղություն է». CNN-ը պատմում է, թե ինչպես են սպառվում կենսական պաշարները՝ ադրբեջանցի «էկոակտիվիստների» Արցախը շրջափակելու պատճառով
Ադրբեջանի կողմից շրջափակման պատճառով Արցախում ձեռնարկություններ են փակվում