Բավ է պառակտվել
09-05-2022 18:42

Երևանում մեկ րոպե լռությամբ հարգել են արցախյան պատերազմի զոհերի հիշատակը

Երևանի կենտրոնում՝ Ֆրանսիայի հրապարակում, Առաջին Ղարաբաղյան պատերազմի տարիներին Շուշիի ազատագրմանը նվիրված ընդդիմության հանրահավաքը մեկնարկել է մեկ րոպե լռությամբ՝ ի հիշատակ արցախյան պատերազմների զոհերի։

Հնչել են Հայաստանի և Արցախի օրհներգերը։

Արցախի Հանրապետությունում նույնպես մայիսի 9-ին՝ ժամը 11:00-ին, մեկ րոպե լռությամբ հարգել են Հայրենական մեծ պատերազմի, Արցախյան առաջին պատերազմի, ապրիլյան և 44-օրյա պատերազմների զոհերի հիշատակը։

Հայաստանում անհնազանդության ակցիաների մասին

Ավելի քան երկու շաբաթ է, ինչ Հայաստանի ընդդիմադիր կուսակցություններն ու շարժումները բողոքի երթեր են կազմակերպում Երևանում, Հայաստանի քաղաքներում և գյուղական համայնքներում՝ կոչ անելով համախմբվել երկրի իշխանությունների գործողությունների դեմ։ Ընդդիմությունը կարծում է, որ իշխանությունների քաղաքականությունը սպառնում է Հայաստանի և Արցախի անվտանգությանը.

Մայիսի 1-ին Երևանում տեղի ունեցած բողոքի ցույցի ժամանակ ընդդիմությունը հայտարարեց անհնազանդության լայնածավալ խաղաղ գործողություններ սկսելու մասին։ Ընդդիմությունը վրաններ է տեղադրել մայրաքաղաքի կենտրոնում գտնվող Ֆրանսիայի հրապարակում և գիշերել դրսում։ Արդեն յոթերորդ օրն է, ինչ շարունակվում են անհնազանդության ակցիաները, հանրահավաքներն ու երթերը։

Ավելի վաղ ՀՀ վարչապետ Նիկոլ Փաշինյանը հայտարարել էր, որ միջազգային հանրությունը կոչ է անում Հայաստանին իջեցնել Լեռնային Ղարաբաղի կարգավիճակի հարցում նշաձողը, հակառակ դեպքում չի կարողանա օգնություն ցուցաբերել հայկական կողմին։ Այս հայտարարությունը լայն արձագանք առաջացրեց ինչպես Հայաստանում, այնպես էլ Արցախում։

Կրակոցներ Երևանում․ մեկ անձ սպանվել է, ևս մեկը՝ վիրավորվել
Արցախում մեկ քաղաքացու մոտ հաստատվել է կորոնավիրուս
Կորոնավիրուսով պայմանավորված՝ Արցախը մեկ ամսով երկարաձգել է արտակարգ դրության ռեժիմը
Այսուհետ Հայաստանն ու Արցախը կապում է միայն մեկ ճանապարհ
Երևանը և Ստեփանակերտը համարում են հակամարտության կարգավորման հիմքը` Արցախի ժողովրդի ինքնորոշման իրավունքի ճանաչումն է