Երևանի քաղաքապետարանը զբոսաշրջային ավտոբուսների վարորդներին զգուշացրել է առանց թույլտվության արտաքին գովազդ օգտագործելու համար տուգանքների մասին։ Տուգանքը տատանվում է 80-ից 100 հազար դրամի սահմաններում, կրկնակի խախտման դեպքում՝ 200 հազար դրամ։
Երևանի քաղաքապետարանի աշխատակիցները Կենտրոնի տարածքում կայանված զբոսաշրջային ավտոբուսներից և մեքենաներից հանել են 22 գովազդային վահանակ՝ արձանագրություններ կազմելով ութ կազմակերպությունների դեմ, հայտնում է քաղաքապետարանի մամուլի ծառայությունը։
Վարորդներին խնդրել են դիմել քաղաքապետարան՝ գովազդելու թույլտվություն ստանալու համար:
