Վիզային ռեժիմի ազատականացման հարցը Հայաստանի և ԵՄ անդամ երկրների օրակարգային հարցերից է, սակայն միության ներսում կոնսենսուս դեռ չկա, երկուշաբթի ասաց ԱԳ նախարար Արարատ Միրզոյանը։
«Դա քննարկվում և աջակցվում է գրեթե բոլոր դեպքերում։ Այնուամենայնիվ, անհրաժեշտ է ԵՄ-ի կոնսենսուսային դիրքորոշումն»,- ասել է նախարարըեվրոպական ինտեգրման մասով 2022 թվականի արդյունքների վերաբերյալ ԱԺ–ում տեղի ունեցող քննարկմանը։
Ընդհանուր առմամբ, ԱԳ նախարարը վստահ է, որ Հայաստանի և ԵՄ-ի հարաբերությունների զարգացումը 2022 թվականին վերելք է ապրել։
«Դա, ի թիվս այլ բաների, պայմանավորված է Հայաստանի և Ադրբեջանի միջև հարաբերությունների կարգավորման գործընթացին նպաստելու ԵՄ ջանքերով»,- նշել է կառավարության ներկայացուցիչը։
Մասնավորապես, 2022 թվականի հոկտեմբերին Պրահայում կայացած հանդիպումից հետո Հայաստան է ուղարկվել ԵՄ քաղաքացիական առաքելություն, և պայմանավորվածություն է ձեռք բերվել սահմանազատել պետական սահմանը՝ 1991 թվականի Ալմա-Աթայի հռչակագրի հիման վրա։
Արտգործնախարարը նաև նշել է եվրոպացի պաշտոնյաների այցերի ակտիվացումը Հայաստանի Հանրապետություն։
