Ժամեր առաջ Կապանում տեղի ունեցած երկրաշարժից հետո տեղի բոլոր ուժային կառույցներն ու «Շտապ օգնության» ծառայությունը աշխատում են արտակարգ ռեժիմով: Այդ մասին հայտնում է Սյունիքի մարզպետի մամուլի քարտուղար Վազգեն Սաղաթելյանը:
Նշենք, որ երեքշաբթի օրը ՀՀ Սյունիքի մարզում՝ Կապան քաղաքից հինգ կիլոմետր հյուսիս-արևելք, տեղի էր ունեցել 3,9 մագնիտուդ ուժգնությամբ երկրաշարժ: Կապանում երկրաշարժի ուժգնությունը կազմել է 5 բալ, իսկ Գորիսում և Քաջարանում՝ 4-5 բալ: Երկրաշարժին հաջորդել է մեկ հետցնցում՝ 3,3 բալ ուժգնությամբ:
«Իրավիճակը ամբողությամբ վերահսկողության տակ է։ ԱԻՆ-ի պահանջով՝ ելնելով անվտանգության նորմերից, բոլոր դպրոցներից, բուհերից, պետական և մասնավոր հիմնարկներից մարդիկ շատ կազմակերպված մեկ ժամով դուրս են եկել շենքերից։ Այս պահին նրանք արդեն վերադառնում են իրենց աշխատանքին»,- իր Facebook-իան էջում գրել է Սաղաթելյանը։ Միևնույն ժամանակ նա ընդգծել է, որ քանդված շինությունների մասին տեղեկությունն իրականությանը չի համապատասխանում:
«Մարզպետն ինքն անձամբ այցելել է թիվ 10 միջնակարգ դպրոց, որի մասին համացանցում տեղեկություն էր տարածվել, թե իբրև փլուզումներ կան և համոզվել, որ շենքը կանգուն է, երեխաներին չի սպառնում ոչ մի վտանգ և իրավիճակը ամբողջությամբ վերահսկվում է»,- գրել է Սարգսյանը։
Բավ է պառակտվել