Պետեկամուտների կոմիտեի աշխատակիցները, ոստիկանների ուղեկցությամբ, ստուգումներ են իրականացնում բեռնափոխադրումներով զբաղվող «Սպայկա» ընկերությունում:
Այս տեղեկությունը հաստատեց պետեկամուտների կոմիտեի մամուլի քարտուղարը, նշելով, որ հավելյալ մանրամասներ կհաղորդեն ավելի ուշ: Ոստիկանությունից նույնպես հաստատեցին, որ հիշյալ ընկերությունում ստուգումներ են իրականացվում:
Ավելի ուշ ՊԵԿ-ից պաշտոնապես հաղորդեցին հետևյալը․ «2018 թվականի հուլիսի 3-ին, օրենքով սահմանված կարգով Երևան քաղաքի ընդհանուր իրավասության դատարանի որոշման հիման վրա, Պետական եկամուտների կոմիտեի իրավախախտումների հայտնաբերման ու վարչական վարույթների իրականացման և օպերատիվ հետախուզության վարչությունների, ինչպես նաև ՀՀ ոստիկանության կազմակերպված հանցավորության դեմ պայքարի գլխավոր վարչության աշխատակիցների հետ համատեղ խուզարկություն է իրականացվում «Սպայկա» ՍՊԸ-ում: