Բավ է պառակտվել
20-05-2021 16:33

Հայաստանի ՊՆ-ն կոչ է անում քաղաքացիական անձանց ձեռնպահ մնալ Սյունիքի և Գեղարքունիքի սահմանային հատվածներ ուղևորություններից

Հայաստանի ՊՆ-ն կոչ է անում քաղաքացիական անձանց ձեռնպահ մնալ Սյունիքի և Գեղարքունիքի սահմանային հատվածներ ուղևորություններից, որտեղ Ադրբեջանի զինված ուժերը սադրանքներ են իրականացրել։
«Վերջին օրերին արձանագրվում են դեպքեր, երբ անհատ քաղաքացիներ, տարբեր պաշտոնյաներ ու ԶԼՄ ներկայացուցիչներ փորձում են մուտք գործել Սյունիքի և Գեղարքունիքի սահմանային այն հատվածներ, որոնց ուղղությամբ տեղի են ունեցել ադրբեջանական զինված ուժերի սադրանքները։ Անվտանգության նկատառումներից ելնելով՝ համոզիչ կերպով կոչ ենք անում ձեռնպահ մնալ ուղևորություններից հիշյալ տարածքներ, որտեղ, ՀՀ ԶՈՒ կողմից շուրջօրյա ռեժիմով իրականացվում է մարտական ծառայություն»,- ասվում է գերատեսչության մամլո ծառայության տարածած հայտարարությունում։
Նշվել է, որ ինչպես ավելի վաղ հայտարարվել է, ստեղծված իրադրության խաղաղ հանգուցալուծման բացակայության դեպքում ՀՀ զինված ուժերն իրավունք են վերապահում խնդիրը լուծել ցանկացած, այդ թվում նաև ուժային տարբերակով։
«Այս պարագայում քաղաքացիական անձանց ներկայությունը կարող է միայն խանգարել հայկական ստորաբաժանումներին՝ լիարժեք կատարել իրենց առջև խնդիրները։ Տեղում ծառայություն իրականացնող ՀՀ ոստիկանության և ՀՀ ՊՆ ռազմական ոստիկանության ուժերին հրահանգված է բացառել քաղաքացիական անձանց մուտքը հիշյալ տարածքներ։ Կոչ ենք անում ըմբռնումով մոտենալ այս սահմանափակումներին և անհարկի խնդիրներ չառաջացնել զինված ուժերի համար», աս ում է հայտարարությունում:

Հայաստանի ՊՆ-ն հայտնում է Սյունիքում և Գեղարքունիքում իրավիճակի լիակատար վերահսկոության մասին
Երկրաշարժեր՝ Հայաստանի Սյունիքի և Գեղարքունիքի մարզերում
Ադրբեջանի զինված ուժերը գտնվում են Սյունիքում։ Հայկական կողմը խստորեն պահանջել է դուրս բերել զորքերը․ Հայաստանի ՊՆ
Հայաստանի ՊՆ-ն մեկնաբանել է ադրբեջանական ԶՈւ առաջխաղացումը Սյունիքում
Սերգեյ Շոյգուն ժամանել է Հայաստան