Մոսկվայում ոստիկանությունը ձերբակալել է Gelandewagen-ի սկանդալային ավտոարշավի մասնակից Մառա Բաղդասարյանին, հայտնում են աղբյուրները իրավապահ մարմիններում:
«Լենինի պողոտայում ձերբակալվել է Մառա Բաղդասարյանը»,- ասել է զրուցակիցը:
Նրա խոսքով՝ ի սկզբանե ոստիկանության աշխատակիցներն աղջկան վարչական տուգանք էին գրել սխալ կայանելու համար: Փաստաթղթերի ստուգման ընթացքում պարզվել է, որ Բաղդասարյանը ճանապարհային երթեւեկության կանոնների խախտման համար 16 չմուծած տուգանք ունի:
«Աղջկան տեղափոխել են ոստիկանության տարածքային բաժին եւ դատարան ներկայանալու ծանուցում հանձնել»,- ասել է աղբյուրը:
Մառա Բաղդասարւանը սովորում է Մոսկվայի պետական համալսարանի տնտեսագիտության ֆակուլտետում: Նրա հայրը՝ Էլմար Բաղդասարյանը, մսի մեծածախ վաճառքով է զբաղվում: