Հայաստանի ՆԳՆ փրկարար ծառայությունը նոր մանրամասներ է ներկայացրել հանրապետության Սյունիքի մարզի Կապան-Նորաշենիկ ճանապարհին տեղի ունեցած խոշոր ավտովթարից։
24 տուժած (դպրոցի 9 աշխատակից և 15 աշակերտ) տեղափոխվել են «Կապան» բժշկական կենտրոն։ Հիվանդանոցում արձանագրվել է ուսուցիչներից մեկի՝ 1970 թ. ծնված Թ.Դ.-ի մահը։
Գերատեսչությունից հայտնում են, որ պատահարը տեղի է ունեցել ժամը 14։21-ին։ Ավտոբուսը դուրս է եկել երթևեկելի գոտուց և մոտ 5 մետր բարձրությունից գլխիվայր հայտնվել գետում։