27-ամյա կինը մահացել է հրազենային վիրավորման արդյունքում, նրա 29-ամյա ամուսինը տեղափոխվել է հիվանդանոց։
Հայտնի գործարար, Վանաձորի “Գլորիա” կարի ֆաբրկայի սեփկանատեր Բագրատիոն Դարբինյանի 27-ամյա աղջիկը՝ Դիանա Դարբինյանը մահացել է Երևանի կենտրոնում հնչած կրակոցների արդյունքում։ Այս մասին հայտնում է shamshyan.com կայքը։
Ավելի վաղ հաղորդվել էր, որ սեպտեմբերի 28-ին ժամը 01։40-ին Ազատության պողոտայի “Հաղթանակ” զբոսայգու դիմաց կրակոցներ են հնչել, կին է մահացել։
Կայքի տեղեկությամբ՝ հրազենային վիրավորում է ստացել Դարբինյանի 29-ամյա ամուսին Վազգեն Մարգարյանը, նա տեղափոխվել է հիվանդանոց։ Օրինապահ մարմիններն արդեն պարզել են կրակողի ինքնությունը․ դա 24-ամյա Լևոն Է․-ն է։
Ըստ կայքի, սպանվածի ամուսնու և կրակողի միջև կենցաղային հարցերի շուրջ վիճաբանություն է տեղի ունեցել սրճարաններից մեկում, որը վերածվել է ծեծկռտուքի։
Ավելի ուշ “Հաղթանակ” զբոսայգու մետ կրակոցներ են հնչել, տեղում հայտնաբերվել է 17 պարկուճ։ «Քանաքեռ-Զեյթուն» բժշկական կենտրոնի դիմաց հայտնաբերվել էր Land Rover մակնիշի ռուսական P 999 HA 99 RUS համարանիշի ավտոմեքենան, որի սրահում հայտնաբերվել էին արնանման հետքեր։
Հարուցվել է քրեական գործ, տարվում է քննչական աշխատանք։