Հայաստանում շաբաթ առավոտյան դրությամբ կան փակ և դժվարանցանելի ավտոճանապարհներ։
Փրկարար ծառայությունից հայտնում են, որ փակ են Արագածոտնի մարզի Ամբերդ լեռնային օդերևութաբանական կայանից դեպի համանուն բերդ և Քարի լիճ տանող ճանապարհները։
Վարդենյաց լեռնանցքը դժվարանցանելի է միայն կցորդիչով բեռնատարների համար։
Սյունիքի մարզում, Ապարանի, Արագածի տարածաշրջաններում տեղ-տեղ առկա է մերկասառույց:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար: