Հայաստանի Սյունիքի մարզում խիտ ճանապարհային ցանց է կառուցվում, որոշ հատվածների վերանորոգումը նախատեսվում է ավարտել մինչև այս տարվա վերջ, հայտնել է ՀՀ վարչապետ Նիկոլ Փաշինյանը։
Հայաստանի կառավարությունն ուրբաթ օրը կայացած նիստում որոշել է 4,75 մլրդ դրամ (մոտ 10,3 մլն դոլար) հատկացնել հանրապետության մի շարք ճանապարհների, հիմնանորոգման և կառուցման համար, այդ թվում՝ Սյունիքում։
Փաշինյանի խոսքով, այս տարի կվերանորոգվի Վարդավանք-Խդրանց-Ագարակ ճանապարհի 13,1 կմ հատվածը։ Սկսվում են Աղվանի-Տաթև ճանապարհի Վերին Խոտանանը շրջանցող հատվածի նախագծման աշխատանքները. Սյունիքի մարզի Որոտան-Բարձրավան-Շուռնուխ հատվածը շրջանցող ճանապարհի հիմնանորոգումը։
Իր հերթին, Հայաստանի տարածքային կառավարման և ենթակառուցվածքների նախարար Գնել Սանոսյանը մանրամասնեց, որ նախատեսվում է մինչև տարեվերջ ապահովել Մ2 ճանապարհիցմայրուղիով Նորավանով և Լծենով դեպի Տաթև դուրս գալու հնարավորություն։ Նրա խոսքով՝ վերանորոգման կարիք ունի երկու հատված՝ Տաթև-Լծեն և Լծեն-Շամբ։
Հայաստանի հարավում բարդ իրավիճակ է ստեղծվել այն պատճառով, որ 2020 թվականի աշնանը Արցախում պատերազմից հետո Սյունիքում Հայաստանն Իրանի հետ կապող միջպետական մայրուղու մի քանի հատված անցել են ադրբեջանցիների վերահսկողության տակ։ Հայաստանի կառավարությունը մարզում նոր ճանապարհների կառուցման և գոյություն ունեցողների հիմնանորոգման մի շարք ծրագրեր է իրականացնում։