Բավ է պառակտվել
29-10-2016 12:47

Սյունիքում ոչնչացրել են արցախյան պատերազմից մնացած հակառակորդի զինամթերքը

Սյունիքի մարզում շարունակվում են մարդասիրական ականազերծման աշխատանքները:

ՀՀ պաշտպանության նախարարության մամուլի ծառայության փոխանցմամբ՝ Զինված ուժերի ինժերենական ծառայության ջանքերով եւ Հումանիտար ականազերծման կենտրոնի փորձագիտական աջակցության շնորհիվ իրականացված հետազոտության արդյունքում դեռեւս 1990-ականների մարտական գործողություններից հետո հակառակորդի լքած հենակետերում հայտնաբերվել է զինամթերքի 2 կուտակատեղի՝ 44 միավոր 82 մմ, 12 միավոր 120 մմ ականանետի ականներ եւ 1 միավոր 100 մմ հրետանային չպայթեցված արկ:

Հայտնաբերված զինամթերքը ոչնչացվել է էլեկտրական ճայթիչ հրապատիճի կիրառման մեթոդով:

Հակառակորդի մեկ այլ նախկին դիրքում լքված զինամթերքի նոր խմբաքանակի հայտնաբերմանն ուղղված աշխատանքները շարունակվում են: