Բա՛վ է պառակտվել
13-07-2019 10:28

10 օրվա ընթացքում ԱԱԾ-ն նախնական եզրակացություն կտա էներգահամակարգի խափանման մասին․Վանեցյան

Հայաստանի էներգետիկ համակարգում վթարի վերաբերյալ ԱԱԾ-ի նախնական եզրակացությունը կտրվի 10 օրվա ընթացքում, հայտնել է լրագրողներին Հայաստանի ԱԱԾ տնօրեն Արթուր Վանեցյանը։

“Եղել է էներգահամակարգի խոշոր խափանում  և պետք է իրականացնել ստուգողական աշխատանքներ, որպեսզի պարզել՝ դա եղել է միտումնավոր միջամտության արդյունքո՞ւմ, թե՞ եղել է տեխնիկական պատճառներով։ Այս բոլոր վարկածները կստուգվեն, կնշանակվեն համապատասխան փորձաքննություններ։ Նյութերի նախապատրաստման ժամկետը 10 օր է”, - ասել է Վանեցյանը։

Չորեքշաբթի Հայաստանի էներգահամակարգում խոշոր վթարի հետևանքով խափանվել էր մայրաքաղաքի և շրջանների հոսանքի, ջրի և գազի մատակարարումը, կանգնեցվել էր Երևանի մետրոպոլիտենը, չէին աշխատում վճարման տերմինալներն ու բանկոմատները, փողոցներում խցանումներ էին։ Վթարի պատճառով էլեկտրացանցից անջատվել էին Երևանի Ջէկ-ը և Հրազդանի ՋԷԿ-ի 5-րդ բլոկը (Հայաստանում հոսանք արտադրող հինգ կայաններից 2 խոշորը)։

Ավելի վաղ հաղորդվել էր, որ Հայաստանի տարածքային զարգացման և ենթակառուցվածքների նախարարի հրահանգով ստեղծվել է աշխատանքային խումբ՝ էներգետիկ համակարգի փորձագետների ներգրավմամբ, որը պետք է ուսումնասիրի հուլիսի 10-ին տեղ գտած վթարի պատճառները։

Հայաստանի տարածքային զարգացման և ենթակառուցվածքների փոխնախարար Հակոբ Վարդանյանի խոսքերով, աշխատանքային խմբի հաշվետվությունը պատրաստ կլինի շուրջ մեկ ամսից։

ԱԱԾ-ի ղեկավար Արթուր Վանեցյանը հրաժարական է տվել
Չեմ զղջացել, որ երաշխավորել եմ ԱԱԾ տնօրենի պաշտոնում Արթուր Վանեցյանին. Ֆելիքս Ցոլակյան
Արսեն Բաբայանը ազատ արձակվեց․ԱԺ «Իմ քայլի» պատգամավոր Սիսակ Գաբրիելյանի երաշխավորությամբ
ԵՊՀ ուսանողները դասախոսներին հորդորում են միանալ Արայիկ Հարությունյանի հրաժարականի պահանջով երթին
Սերգեյ Լավրովը Երևանում հարգանքի տուրք է մատուցել Հայկական ցեղասպանության զոհերի հիշատակին (լուսանկարներ)