Երկուշաբթի օրն ադրբեջանական գերությունից Հայաստան վերդարձած զինծառայողները հարցաքննվել են զինվորական քննչական գլխավոր վարչությունում։ Տեղեկությունը հաստատել է ՔԿ մամլո քարտուղար Վարդան Թադևոսյանը։
«Նրանք այսօր հարցաքննվել են, բայց չգիտեմ՝ արդյոք այս պահին այնտեղ են»,- ասել է նա։
Հայաստանի արտգործնախարարությունը երկուշաբթի օրը հայտարարեց Ադրբեջանից ութ հայ ռազմագերուն հայրենիք վերադարձնելու մասին։ Դա հնարավոր է դարձել փետրվարի 4-ին Ֆրանսիայի նախագահի և Եվրոպական խորհրդի նախագահի միջնորդությամբ անցկացված առցանց հանդիպման արդյունքում։
Մակրոնի և Միշելի հետ տեսակոնֆերանսին մասնակցել են Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը։ Նշվել է Արևելյան գործընկերության գագաթնաժողովի շրջանակում կայացած հանդիպումից հետո ձեռք բերված առաջընթացը, հատկապես՝ բանտարկյալների ազատ արձակման և անհայտ կորածների որոնման ուղղությամբ շարունակվող համատեղ ջանքերի առումով։