Բավ է պառակտվել
24-12-2020 10:50

Զինծառայողների ապահովագրության հիմնադրամին փոխանցվող վճարները փոխվում են

Կառավարությունն իր այսօրվա՝ դեկտեմբերի 24-ի նիստում փոփոխություն կատարեց դրոշմանիշային վճարների հետ կապված որոշման մեջ՝ նկատի ունենալով այն, որ գործող կարգավորումներով Զինծառայողների ապահովագրության հիմնադրամի միջոցները բավարար չեն լինելու մարտական գործողություններին մասնակցած անձանց ամբողջ ծավալով հատուցում տալու համար։ Այդ մասին կառավարության նիստում նշեց Արդարադատության նախարար Ռուստամ Բադասյանը՝ նշելով, որ այս փոփոխությունը կարող ենք համարել կիսապրոգրեսիվ:
«Կախված անձի եկամուտներից՝ դրոշմանիշային վճարի չափը փոխվում է։ Մինչև 100 հազար դրամ եկամտի դեպքում սահմանվում է 1500 դրամ, 100 հազարից մինչև 200 հազարի դեպքում՝ 3000 դրամ։ Եվ այդպես սանդղակով հասնում ենք մինչև 15 հազար դրամի, որը կվճարեն նրանք, ում եկամուտը, օրինակ, 1 մլն դրամը գերազանցում է։ Այս ամենն արվում է նրա համար, որ մեր բոլոր հայրենակիցները, ովքեր ռազմական գործողություններին մասնակցություն են ունեցել, և վրա է հասել հատուցման դեպքը, պետությունը հնարավորություն ունենա հատուցելու, այդ թվում՝ կամավորականներին»,- ասաց Ռուստամ Բադասյանը:
Նախագիծն ընդգրկվել է ԱԺ արտահերթ նիստի օրակարգում:

Արմինե Գևորգյան

Նախագծի հեղինակները ԶՈՒ չեն ծառայել, բայց օրինագիծ են ներկայացնում
ՀՀ տարածքում կան փակ ավտոճանապարհներ. Ստեփանծմինդա-Լարս ավտոճանապարհը փակ է
Նարինե Խաչատուրյանն ազատվել է ԿԳՄՍ նախարարի տեղակալի պաշտոնից
Հայաստանում ավտոմեքնենան վարելիս ծխելու համար կկիրառվի 0,5 միավոր
«Կառավարության մոտեցումն ընդունելի չէ. Պետք է հրապարակվի Ադրբեջանում գտնվող հայ գերիների թիվը․ ՄԻՊ