Հայաստանի Արտակարգ իրավիճակների նախարարությունը հրապարակել է «Դիլիջան ազգային պարկ»-ում բռնկված հրդեհի տեսանյութը։
Հրդեհը բռնկվել է նախօրեին կեսօրին մոտ նԴիլիջան քաղաքի N զորամասի հրաձգարանին հարակից տարածքում։ Տեղում աշխատել է երեք մարտական հաշվարկ, նրանց օգնել են ՊՈԱԿ-ի աշխատակիցները։
Մթության և բարդ ռելիեֆի պատճառով հրդեհաշիջման աշխատանքները ժամանակավորապես դադարեցվել էին և վերսկսվել են ուրբաթ վաղ առավոտյան։
Հրշեջներին միացել են Արտակարգ իրավիճակների նախարարության մարզային փրկարարական վարչության օպերատիվ խումբը և 15 զինծառայող։