Բժիշկներին հաջողվել է վերակենդանացնել Նարեկ Պողոսյանին։ Ավելի վաղ ՊՆ-ն նրան ներառել էր Ադրբեջանի ագրեսիայի հետևանքով զոհվածների ցուցակում։
«Հայաստանի պաշտպանության նախարարությունը նոր զեկույց է ստացել բժիշկներից, համաձայն որի կրկին փորձած ռեանիմացիոն ինտենսիվ միջոցառումների արդյունքում Նարեկ Կարենի Պողոսյանի սրտի զարկը վերականգնվել է։ Զինծառայողն ունի ծանր հրազենային վիրավորում, գտնվում է ծայրահեղ ծանր վիճակում, ռեանիմացիոն գործողությունները զինծառայողի կյանքը փրկելու համար շարունակվում են»,- հայտնում է ՊՆ-ն։
Ուրբաթ ավելի վաղ Հայաստանի պաշտպանության նախարարությունը հրապարակել էր սեպտեմբերի 1-ին ադրբեջանական սադրանքի հետևանքով զոհված զինծառայողների անունները՝ Անդրանիկ Արշակի Անտոնյան, Արսեն Ալեքսանդրի Մկրտիչյան, Վաչագան Սարոյի Վարդանյան և Նարեկ Կարենի Պողոսյան։
Սեպտեմբերի 1-ին ադրբեջանական զինուժը կրակ է բացել Հայաստանի Հանրապետության Գեղարքունիքի մարզի Սոթքի և Նորաբակի շրջաններում տեղակայված հայկական դիրքերի ուղղությամբ, ինչի հետևանքով հայկական կողմից կն ունի 3 զոհ և 2 վիրավոր։ Ադրբեջանական զինուժը կիրառել է նաև ականանետեր և անօդաչու սարքեր։